అల్లు అర్జున్ పుట్టిన రోజు సందర్భంగా పుష్ష 2 నుంచి ఓ గ్లింప్స్ వచ్చింది. అందులో ఒక్క డైలాగ్ కూడా లేకపోయినా, ఆ గ్లింప్స్ కాస్త సోషల్ మీడియాని షేక్ చేసేసింది. ఇప్పుడు పుష్ష టీమ్ ఫ్యాన్స్ని మరింతగా అలరించడానికి సిద్ధమైంది. ఈ సినిమాలోని తొలి పాటని విడుదల చేయడానికి రెడీ అవుతోంది. మే మొదటి వారంలో ‘పుష్ష 2’ నుంచి ఓ పాట రాబోతోందని సమాచారం. సినిమాలోని తొలి గీతంగా ఓ మాస్ పాట రిలీజ్ చేయబోతున్నారు. పుష్షరాజ్ పాత్రని మరింత లోతుగా ఆవిష్కరించే ఈ గీతాన్ని చంద్రబోస్ రాశారు. దేవిశ్రీ ప్రసాద్ స్వరపరిచారు.
పుష్షలో పాటలన్నీ హిట్టే. బాలీవుడ్ లో సైతం పుష్ష పాటలు మార్మోగిపోయాయి. దాంతో పుష్ష 2 ఆల్బమ్ పై మరిన్ని అంచనాలు పెరిగాయి. టీ సిరీస్ సంస్థ పుష్ష 2 ఆడియో రైట్స్ హక్కుల్ని భారీ మొత్తం వెచ్చించి కొనుగోలు చేసింది. ఆడియో రైట్స్ రూపంలోనే దాదాపుగా రూ.65 కోట్లు దక్కినట్టు సమాచారం. ఇదో ఆల్ ఇండియా రికార్డ్! సుకుమార్ – దేవిశ్రీ ప్రసాద్ లది హిట్ కాంబో కావడం, పుష్ష ఆడియో పెద్ద హిట్ అవ్వడం వల్ల.. పుష్ష 2 ఆడియోకి గిరాకీ పెరిగిపోయింది.
