ఈరోజు అల్లు అర్జున్ పుట్టిన రోజు సంద‌ర్భంగా సుకుమార్ సినిమా టైటిల్‌నీ, ఫ‌స్ట్ లుక్‌నీ బ‌య‌ట పెట్టారు. ర‌ఫ్ లుక్‌తో బ‌న్నీ అద‌ర‌గొట్టేశాడు. అయితే ఇప్పుడు మ‌రో పోస్ట‌ర్‌నీ చిత్ర‌బృందం విడుద‌ల చేసింది. పోలీస్ స్టేష‌న్‌లో, ఎర్ర చంద‌నం దిమ్మ‌ల ప‌క్క‌న‌, గొడ్డ‌లితో బ‌న్నీ కూర్చున్న షాట్ అది. ఎర్ర చందనం స్మ‌గ్లింగ్ నేప‌థ్యంలో ఈ క‌థ న‌డుస్తుంద‌ని ముందు నుంచీ ప్ర‌చారం జ‌రుగుతూనే ఉంది. దాన్ని ప్ర‌తిబింబించేలా ఈ పోస్ట‌ర్‌ని డిజైన్ చేశాడు సుకుమార్‌. టైటిల్ లోగోలో కొన్ని వేలి ముద్ర‌ల గురుతులు క‌నిపిస్తున్నాయి. దానికీ.. ఈ క‌థ‌కీ ఏదో సంబంధం ఉండే ఉంటుంది. సుకుమార్ క‌థ‌ల‌న్నీ ఎక్క‌డో ఓ చోట లాజిక్‌తో ముడిప‌డి ఉంటాయి. ఈ క‌థ‌లోనూ అలాంటి ట్విస్టు, లాజిక్కూ ఏదో ఒక‌టి ఉండే ఉంటుంది. అందుకే సింబాలిక్ గా టైటిల్ ని అలా డిజైన్ చేసి ఉంటారు. దేవిశ్రీ ప్ర‌సాద్ సంగీతం అందిస్తున్న ఈ చిత్రంలో ర‌ష్మిక క‌థానాయిక‌.