హైదరాబాద్లో ఇళ్లు లేదా ప్లాట్లు కొనుగోలు చేసే వారికి హైదరాబాద్ డిజాస్టర్ రెస్పాన్స్ అండ్ అసెట్స్ ప్రొటెక్షన్ ఏజెన్సీ ..హైడ్రా కొన్ని జాగ్రత్తలు చెబుతోంది. నిర్లక్ష్యం చేయకుండావాటిని పాటించాలని రచిస్తోంది.
ఆస్తి వివరాల ధృవీకరణ
ఇల్లు, ఫ్లాట్ లేదా ప్లాట్ కొనే ముందు ఆస్తికి సంబంధించిన అన్ని వివరాలను పూర్తిగా ధృవీకరించుకోవాలి. ఇందులో ఆస్తి చట్టబద్ధత, యాజమాన్య హక్కులు, అనుమతులు ఉన్నాయో లేదో తనిఖీ చేయడం ముఖ్యం.
అక్రమ నిర్మాణాలపై జాగ్రత్త
చెరువులు, నాలాలు, లేదా ప్రభుత్వ భూములపై ఆక్రమణకు గురైన ప్రాంతాల్లో నిర్మించిన ఇళ్లు లేదా ఫ్లాట్లను కొనుగోలు చేయకూడదు. ఇటువంటి నిర్మాణాలను హైడ్రా కూల్చివేస్తుంది.
అనధికార లేఅవుట్లను గుర్తించడం
హైదరాబాద్ మెట్రోపాలిటన్ డెవలప్మెంట్ అథారిటీ (HMDA) నిబంధనల ప్రకారం అనుమతి లేని లేఅవుట్లలో ప్లాట్లు కొనుగోలు చేయొద్దు. GO నెంబర్ 131 ప్రకారం, అనధికార లేఅవుట్లలో ఇళ్ల నిర్మాణానికి ప్రభుత్వం అనుమతులు ఇవ్వదు.
చెరువులు, నాలాలకు సమీపంలో నిర్మాణాలు
చెరువులు, నాలాల ఫుల్ ట్యాంక్ లెవెల్ (FTL) లేదా బఫర్ జోన్లలో నిర్మాణాలు చేపట్టే ముందు హైడ్రా నుంచి నో-ఆబ్జెక్షన్ సర్టిఫికెట్ (NOC) తప్పనిసరిగా పొందాలి. లేక పోతే కూల్చివేస్తారు.
పార్కులు, రహదారుల కోసం కేటాయించిన స్థలాలు
HMDA నిబంధనల ప్రకారం, లేఅవుట్లలో 10 శాతం స్థలం పార్కుల కోసం, 30 శాతం రహదారుల కోసం కేటాయించాలి. ఈ నిబంధనలు పాటించని ప్లాట్లు లేదా వెంచర్లను ఎంచుకోకూడదు.
ఆస్తి కొనుగోలు చేసే ముందు HMDA, GHMC, లేదా స్థానిక మున్సిపల్ అధికారులతో సంప్రదించి, ఆస్తి చట్టబద్ధంగా ఉందని నిర్ధారించుకోవాలి. హైడ్రా వెబ్సైట్ లేదా స్థానిక కార్యాలయంలో ఆస్తి వివరాలను తనిఖీ చేయడం ద్వారా FTL, బఫర్ జోన్ల గురించి సమాచారం పొందవచ్చు.ఈ జాగ్రత్తలు పాటించడం ద్వారా కొనుగోలుదారులు భవిష్యత్లో ఇబ్బంది పడకుండా ఉంటారు.
