పార్ట్ 2 ఈరోజుల్లో వింతేం కాదు. సినిమా హిట్టయి, ఆ టైటిల్ బ్రాండ్గా మారితే – పార్ట్ 2కి ద్వారాలు తెరచుకొన్నట్టే. కాకపోతే.. ఒకే కథని రెండు భాగాలుగా తీయాలా, లేదంటే ఓ సినిమా హిట్టయ్యాక అప్పుడు పార్ట్ 2 ఆలోచించాలా? అనేదే పెద్ద కన్ఫ్యూజన్గా మారింది. బాహుబలి, కేజీఎఫ్, పుష్ప, సలార్… చిత్రీకరణ సమయంలోనే రెండు భాగాలుగా చేయాలని ఫిక్సయ్యారు మేకర్స్. ఇప్పుడు ‘హనుమాన్’ చిత్రానికీ పార్ట్ 2 ఛాన్సుందని తెలుస్తోంది.
ప్రశాంత్ వర్మ దర్శకత్వంలో రూపుదిద్దుకొంటున్న చిత్రం ‘హనుమాన్’. తేజా సజ్జా హీరో. ఈ సంక్రాంతికి రాబోతోంది. ఈ సినిమాపై మంచి బజ్ ఉంది. పాన్ ఇండియా స్థాయిలోనూ క్రేజ్ తెచ్చుకొంది. ప్రచార చిత్రాలు ఆకట్టుకొంటున్నాయి. ఈ చిత్రానికి సీక్వెల్ చేసే ఆలోచనలో ఉన్నాడు ప్రశాంత్ వర్మ. ‘హనుమాన్’ క్లైమాక్స్ లో సీక్వెల్ కి బీజం కూడా వేసినట్టు సమాచారం. హనుమాన్ ఫలితం అనుకొన్నట్టు వస్తే.. వెంటనే పార్ట్ 2 పనులు మొదలెట్టేస్తారు. లేదంటే ప్రశాంత్ వర్మ ఇప్పటికే ఒప్పుకొన్న ‘అధీర’ అనే సినిమా ఉంది. దాన్ని మొదలెడతారు. పార్ట్ 2 ఉందా, లేదా అనేది జనవరి 12న తేలుతుంది. ఆ రోజే… ‘హనుమాన్’ వస్తోంది.
