జాన్- రాధేశ్యామ్.. ఈ రెండింటిటో ప్రభాస్ టైటిల్ ఏమిటన్న ఉత్కంఠతకు తెర పడింది. చిత్రబృందం రాధే శ్యామ్పైనే మొగ్గు చూపించింది. ఈ సినిమా టైటిల్ తో పాటు ఫస్ట్ లుక్ని చిత్రబృందం విడుదల చేసింది. ఇదో ప్రేమకథ. ఇటలీ నేపథ్యంలో సాగుతుంది. దానికి తగ్గట్టుగానే ఫస్ట్ లుక్ డిజైన్ చేశారు. సాధారణంగా అగ్ర హీరో ఫస్ట్ లుక్ అంటే, సోలో ఎంట్రీనే ఉంటుంది. కానీ కథానాయిక పూజా హెగ్డేతో పాటు ప్రభాస్ – రొమాంటిక్ పోజ్లో దర్శనమిచ్చాడు. దాన్ని బట్టి… ఫస్ట్ లుక్లోనూ కథని ఫాలో అయ్యారన్న సంగతి అర్థం అవుతోంది. రెండు నదుల సంగమం అన్నట్టు హీరో హీరోయిన్ల పాత్రల్ని డిజైన్ చేశాడు దర్శకుడు రాధా కృష్ణ. యూవీ క్రియేషన్స్, గోపీ కృష్ణ మూవీస్ సంయుక్తంగా నిర్మిస్తున్న చిత్రమిది. ఇటలీలో కొంతమేర షూటింగ్ జరిపారు. మిగిలిన భాగాన్ని హైదరాబాద్ లో తెరకెక్కించడానికి సన్నాహాలు జరుగుతున్నాయి. ఈ వారంలోనే కొత్త షెడ్యూల్ ప్రారంభమయ్యే అవకాశాలున్నాయి.
