జగపతిబాబు ఇప్పుడు ‘పటేల్ సార్’గా రాబోతున్నాడు. ఈ చిత్రం ఈనెల 14న విడుదల కానుంది. జగ్గూభాయ్ గెటప్, లుక్స్ అన్నీ కొత్తగా ఉన్నాయి. టీజర్ కూడా ఆకట్టుకొంది. వారాహి సినిమా కావడం వల్ల… పటేల్సార్ పై ఫోకస్ పెరిగింది. ఈ సినిమాపై ఎప్పుడూ లేనంత కాన్ఫిడెన్స్ చూపిస్తున్నాడు జగపతిబాబు ”పటేల్ సార్ హిట్ అంటే నేను నిరుత్సాహపడతాను. ఎందుకంటే… ఇది సూపర్ హిట్ కావాల్సిన సినిమా. ఈ సినిమాపై అంత నమ్మకం ఉంది. ఈమధ్య కాలంలో ఏ కథనీ ఇంతలా నమ్మలేదు” అంటున్నాడు జగ్గూభాయ్.
ఈ నెలఖరున విడుదల కావాల్సిన సినిమా ఇది. ‘గౌతమ్ నందా’ వాయిదా పడడంతో ఆ గ్యాప్ని ఉపయోగించడానికి ఆఘమేఘాలమీద `పటేల్సార్`ని రెడీ చేసేశారు. ఇప్పుడు ప్రమోషన్లు కూడా ఊపందుకొన్నాయి. ఇప్పటికే.. రాజమౌళిని రంగంలోకి దింపారు సాయికొర్రపాటి. ఈ టీజర్ చాలా బాగుందని ట్వీట్ చేశాడు జక్కన్న. ఇప్పుడు ప్రభాస్ వంతు వచ్చింది. జగపతిబాబుకి తన ఫేస్ బుక్ ద్వారా అడ్వాన్స్ కంగ్రాట్స్ చెప్పాడు ప్రభాస్. అంటే.. ఈ సినిమాని ప్రభాస్ ముందే చూసేశాడన్నమాట. రాజమౌళి ట్వీట్, ప్రభాస్ కామెంట్తో ‘పటేల్ సార్’కి కాస్త ఊపొచ్చింది. సినిమా కూడా చాలా స్టైలీష్ గా థ్రిల్లింగ్గా ఉందని ఇన్సైడ్ వర్గాలు చెబుతున్నాయి. ఈ వారం ప్రేక్షకుల ముందుకు వస్తున్న శమంతక మణికి పటేల్ గట్టి పోటీ ఇచ్చేట్టే కనిపిస్తున్నాడు.
