ఓ మాస్ హీరో పక్కన ఇద్దరు హీరోయిన్లు డాన్స్ చేస్తే… ఆ మజానే వేరు. అలాంటిది ముగ్గురు హీరోయిన్లు చిందేస్తే… థియేటర్లు దద్దరిల్లిపోవడం ఖాయం. అలాంటి బ్లాస్ట్ ఒకటి ‘రాజా సాబ్’లో ఉంది. ప్రభాస్ కథానాయకుడిగా మారుతి దర్శకత్వంలో రూపుదిద్దుకొంటున్న సినిమా ఇది. ఇందులోని ప్రభాస్ లుక్ ఇప్పటికే ఆయన అభిమానుల్ని విపరీతంగా ఆకట్టుకొంటోంది. స్టైలీష్గా, కూల్ వింటేజ్ లుక్లో ప్రభాస్ ని చూసి ముచ్చటపడిపోతున్నారు ఫ్యాన్స్. ఈ సినిమాలో ఫ్యాన్స్ తో ఈల వేయించే మూమెంట్స్ కు కొదవ లేకుండా చూసుకొంటున్నాడు మారుతి. అందుకే చాలా సర్ప్రైజ్లు ఈ సినిమాలో పొందుపరిచారు. అందులో ఓ పాట ఉంది.
ప్రభాస్ స్టైల్గా స్టెప్పులు వేసి చాలాకాలం అయ్యింది. ఆ లోటు ‘రాజా సాబ్తో’ తీరబోతోంది. ఇందులో నిధి అగర్వాల్, రిద్ది కుమార్, మాళవిక మోహనన్ కథానాయికలుగా నటిస్తున్నారు. ఈ ముగ్గురితో ప్రభాస్ ఆడి పాడేలా ఓ పాట డిజైన్ చేశారు. ఈ పాట థియేటర్లని ఓ ఊపు ఊపేయ్యబోతోందని టాక్. ప్రభాస్ తో మాసీ స్టెప్పులు వేయించాలన్న లక్ష్యంతోనే మారుతి ఈ పాటని డిజైన్ చేశార్ట. ఓ స్టార్ హీరో పక్కన ముగ్గురు హీరోయిన్లు ఆడిపాడే సీన్ చూసి చాలాకాలం అయ్యింది. ఈ తరంలో ఏ హీరోకీ ఈ ఛాన్స్ రాలేదనే చెప్పాలి. ఇటీవలే `రాజాసాబ్`కు సంబంధించిన ఓ కీలకమైన షెడ్యూల్ పూర్తయ్యింది. వచ్చే నెలలో మరో షెడ్యూల్ మొదలుకానుంది. ఇప్పటికే 40 శాతం షూటింగ్ పూర్తి చేసుకొంది. 2025 ప్రధమార్థంలో ఈ చిత్రం ప్రేక్షకుల ముందుకు వస్తుంది.
