శనివారం రాత్రి రానా -మిహికలు అగ్ని సాక్షిగా ఒక్కటయ్యారు. లాక్ డౌన్, కరోనా గొడవలు లేకపోతే, ఈ పెళ్లి ధూంధామ్గా జరిగేది. కానీ లాక్ డౌన్ పరిమితుల వల్ల కేవలం 50మంది అతిథులకే ఈ వేడుక పరిమితమైంది. టాలీవుడ్ నుంచి ఈ పెళ్లికి హాజరైన వాళ్లలో రామ్చరణ్, బన్నీ మాత్రమే ఉన్నారు. దగ్గుబాటి వారి కోడలు కాబట్టి సమంత.. కనిపించింది. నాగచైతన్య సరే సరి. వస్తాడనుకున్న ప్రభాస్ కనిపించలేదు. ప్రభాస్ – రానాలు `బావా.. బావా` అని పిలుచుకుంటారు. `బాహుబలి` కోసం దాదాపు ఐదేళ్లు కలసి పనిచేశారు. ఆ బాండింగ్ మరింత స్ట్రాంగ్. దాంతో ఈ పెళ్లికి ప్రభాస్ తప్పకుండా వస్తాడనుకున్నారు. కానీ.. ప్రభాస్ బావ కనిపించలేదు. అతిథుల లిస్టులో ప్రభాస్ లేడని, కేవలం చరణ్, బన్నీలకు మాత్రమే ఇన్విటేషన్ అందిందని టాక్. చరణ్.. రానాకి చిన్నప్పటి నుంచీ దోస్త్. బన్నీ కూడా అంతే. అందుకే వాళ్లకే ఆహ్వానాలు అందాయి. పెళ్లికి కేవలం 50మందే రావాలన్న నిబంధన వల్లే.. చాలామంది స్నేహితులు, ఆప్తుల్ని ఈ పెళ్లికి పిలవలేకపోయాడు రానా. అయితేనేం… త్వరలోనే రానా ఓ బ్రహ్మాండమైన పార్టీ ఇవ్వబోతున్నాడట. ఆ పార్టీలో ప్రభాస్ బావ కనిపించడం ఖాయంలా అనిపిస్తోంది.
రానా పెళ్లిలో… ప్రభాస్ ‘బావ’ మిస్సింగ్
