మంచు విష్ణు డ్రీమ్ ప్రాజెక్ట్ ‘కన్నప్ప’ ఇటీవలే పట్టాలెక్కింది. ఈ సినిమాకు సంబంధించిన ఓ ఆసక్తికరమైన అప్డేట్ వినిపిస్తోంది. ప్రభాస్ ఈ చిత్రంలో అతిథి పాత్రలో నటించే అవకాశం వుందని తెలుస్తోంది. దీనికి సంబధించిన ట్వీట్స్ పై మంచు విష్ణు ట్విట్టర్ వేదికగా స్పందించారు. ‘హర హర మహాదేవ్’ అని ట్వీట్ చేశారు. విష్ణు ట్వీట్ కి రెండు అర్ధాలు వున్నాయి. ఈసినిమాలో శివుడి పాత్ర వుంది. అందులో ప్రభాస్ కనిపించే అవకాశం వుందని అనుకోవచ్చు. రెండు.. ఈ వార్త నిజంగా నిజమైతే బావుటుందని దేవుడిని కోరుకునే అర్ధం కూడా ఈ ట్వీట్ లో వుంది.
ఐతే ప్రభాస్ ఈ సినిమాలో నటించే అవకాశం ఉందా లేదా అనే చర్చలోకి వెళితే.. ఒకవేళ మంచు కుటుంబం ప్రభాస్ ని ఆ పాత్ర చేయమని అడిగితే ఆయన ఒప్పుకునే అవకాశాలు ఎక్కువ. ప్రభాస్ కి మోహన్ బాబుకు మంచి అనుబంధం వుంది. ప్రభాస్ పై ఇష్టంతో బుజ్జిగాడు సినిమా చేశారు మోహన్ బాబు. ఈ సినిమాలో వీరిద్దరి బాండింగ్ బాగా వర్క్ అవుట్ అయ్యింది. అలాగే రెబల్ స్టార్ కృష్ణం రాజు డ్రీమ్ ప్రాజెక్ట్ కూడా ప్రభాస్ తో భక్త కన్నప్ప సినిమా చేయించాలని. అది కుదరలేదు. ఇప్పుడు విష్ణు కన్నప్పని సెట్స్ పైకి తీసుకెళ్ళారు. మోహన్ బాబు కోరితే ఇందులో ఓ అతిధి పాత్రలో నటించడానికి ప్రభాస్ అంగీకారం తెపలడం పెద్ద విషయం కాదనే చెప్పాలి.
