ప్ర‌భాస్ తో సినిమా చేయాల‌ని ఎవరికి ఉండ‌దు..?? అగ్ర ద‌ర్శ‌కులు ప్ర‌భాస్ తో సినిమా చేయాల‌ని ప‌రి త‌పిస్తున్నారు. ప్ర‌భాస్ మాత్రం కొత్త ద‌ర్శకుల‌తో ప్ర‌యాణం చేస్తున్నాడు. ఈలోగా బోలెడ‌న్ని గాసిప్పులు. ‘కేజీఎఫ్‌’ ద‌ర్శ‌కుడితో ప్ర‌భాస్ ప‌నిచేయ‌బోతున్నాడ‌ని, ఇద్ద‌రి మ‌ధ్యా చ‌ర్చ‌లు కూడా జ‌రిగాయ‌ని వార్త‌లొచ్చాయి. మ‌రోవైపు కొర‌టాల శివ‌తో ప్ర‌భాస్‌సినిమా ఉంటుంద‌ని చెప్పుకున్నారు. మిర్చితో కొర‌టాల‌కు ద‌ర్శ‌కుడిగా అవ‌కాశం ఇచ్చింది ప్ర‌భాసే. ఆ సినిమాతో కొర‌టాల టాప్ ద‌ర్శ‌కుడు అయిపోయాడు. ఇప్పుడు మ‌ళ్లీ వీరిద్ద‌రూ క‌లిసి సినిమా చేయ‌బోతున్నార‌ని వార్త‌లొచ్చాయి. ఈ రెండు సినిమాల‌పై ప్ర‌భాస్ స్పందించాడు. కేజీఎఫ్ ద‌ర్శ‌కుడితో సినిమా చేస్తున్నాన‌న్న విష‌యంలో ఎలాంటి వాస్త‌వం లేద‌ని తేల్చేశాడు. త‌మ మ‌ధ్య అలాంటి సంప్ర‌దింపులేం జ‌ర‌గ‌లేద‌ని చెప్పాడు.

అయితే కొర‌టాల శివ‌తో మాత్రం సినిమా ఉంటుంద‌ని, అయితే అదెప్పుడ‌న్న‌ది చెప్ప‌లేమ‌ని చెప్పాడు. బాలీవుడ్ అవ‌కాశాల గురించి మాట్లాడుతూ “బాలీవుడ్‌లో హీరోలంతా నాతో బాగానే ఉంటారు. రణ‌బీర్ సింగ్‌, అక్ష‌య్ కుమార్ బాగా మాట్లాడ‌తారు. ఈమ‌ధ్య అమీర్ ఖాన్ కూడా ఫోన్ చేశారు. బాలీవుడ్‌లో మ‌ల్టీస్టార‌ర్ సినిమాలు చేసే అవ‌కాశం వ‌స్తే త‌ప్ప‌కుండా చేస్తా. అక్క‌డ మ‌ల్టీస్టార‌ర్ల‌కు మంచి ఆద‌ర‌ణ ఉంది” అన్నాడు. మ‌రి భ‌విష్య‌త్తులో అలాంటి ఛాన్స్ వ‌స్తుందేమో చూడాలి.