కామెడీ పండించడంలో మారుతిది ఓ స్టైల్. వెరైటీ క్యారెక్టరైజేషన్లు సృష్టించి, చాలా సహజమైన వినోదాన్ని, ఆయా పాత్రలతో పండించడంలో దిట్ట. మారుతి హిట్ ఫార్ములా.. కామెడీనే. ప్రభాస్ సినిమాతో మరోసారి తన మార్క్ చూపింబోతున్నాడు. ప్రభాస్ – మారుతి కాంబోలో ఓ సినిమా రూపొందుతున్న సంగతి తెలిసిందే. హారర్ జోనర్లో నడిచే కథ ఇది. అయితే మారుతి సినిమాల్లో సాధారణంగా కనిపించే ఫన్ మాత్రం మిస్ అవ్వదట. ప్రభాస్ కామెడీ టైమింగ్ బాగుంటుంది. బుజ్జిగాడు, డార్లింగ్ సినిమాల తరవాత.. ప్రభాస్ మరీ సీరియస్ రోల్సే చేస్తున్నాడు. తను వెండి తెరపై జోవియల్ గా కనిపించి చాలాకాలమైంది. అందుకే ప్రభాస్ కూడా మారుతి సినిమాపై ప్రత్యేకమైన ఇష్టాన్ని చూపిస్తున్నాడు.
ఈ సినిమాలో మాళవికా మోహన్ ఓ హీరోయిన్గా నటిస్తోంది. ప్రభాస్తో మాళవిక లవ్ ట్రాక్ ఈ సినిమాలో ఓ స్పెషలాఫ్ అట్రాక్షన్ కాబోతోందట.ఇటీవల అన్నపూర్ణ స్టూడియోస్లో ప్రత్యేకంగా తీర్చిదిద్దన ఓ సెట్లో ప్రభాస్ – మాళవికల లవ్ ట్రాక్ని తెరకెక్కించారు. వారిద్దరి మధ్య తెరకెక్కించిన సీన్లు చాలా బాగా వచ్చాయని, ఈ ట్రాక్ హిలేరియస్గా ఉండబోతోందని తెలుస్తోంది. బాలీవుడ్ స్టార్ సంజయ్దత్ ఈ చిత్రంలో ప్రభాస్ తాతయ్యగా నటించనున్నాడు. జూన్ నుంచి సంజూ సెట్లోకి అడుగుపెట్టబోతున్నాడు. సంజూ పార్ట్ పూర్తయితే.. సగం సినిమా అయినట్టే.
