యంగ్ టైగర్ ఎన్.టి.ఆర్ నాన్నకు ప్రేమతో సినిమా ఎలాంటి సంచలనాలను క్రియేట్ చేస్తుందో మనకు తెలిసిందే. అయితే ఈ సినిమాలో ఎన్.టి.ఆర్ క్లైమాక్స్ లో పండించిన ఎమోషన్ సీన్స్ ప్రేక్షకులను కంటతడి పెట్టించేలా చేస్తున్నాయి. ఈ సినిమా ఇప్పటికే సూపర్ స్టార్ మహేష్, మెగా పవర్ స్టార్ రాం చరణ్ చూసి వారి తారక్ ను అభినందించడం జరిగింది.
అయితే నాన్నకు ప్రేమతో సినిమా పవర్ స్టార్ పవన్ కళ్యాణ్ కూడా చూశాడని విశ్వసనీయ వర్గాల సమాచారం. అంతేకాదు సినిమాకు పవన్ కళ్యాణ్ కూడా చాలా బాగా కనెక్ట్ అయ్యాడట.. ముఖ్యంగా క్లైమాక్స్ లో వచ్చే ఎమోషన్ సీన్స్ కు పవన్ కూడా లీనమయ్యాడని తన సన్నిహితులు చెబుతున్నారు.
సినిమాలో రాజేంద్ర ప్రసాద్ అభినయం గురించి ప్రత్యేకంగా ప్రస్థావించడంతో పాటుగా సుకుమార్ దర్శకత్వ ప్రతిభను కూడా పవన్ మెచ్చాడని అంటున్నారు. అయితే సాధారణంగా పైకి అలా కనిపించకపోయినా పవన్ కళ్యాణ్ కూడా చాలా సెంటిమెంట్ కలిగిన వ్యక్తి అని మనకు తెలిసిందే. మరి వస్తున్న ఈ వార్తలన్ని నిజమా కాదా అన్నది మాత్రం కచ్చితంగా చెప్పలేం. ఏది ఏమైనా పవర్ స్టార్ చూసింది, మెచ్చుకుంది నిజమే అయితే ఇదో మంచి విశేషం అని చెప్పుకోవచ్చు.
