తెలంగాణాలో గ్రేటర్ వరంగల్, ఖమ్మం మునిసిపల్ కార్పోరేషన్లతో బాటు మహబూబ్ నగర్ అచ్చంపేట నగర పంచాయితీ ఎన్నికలు ఈరోజు జరుగుతున్నాయి. ఉదయం ఏడూ గంటలకు మూడు ప్రాంతాలలో పోలింగ్ మొదలయింది. సాయంత్రం 5గంటల వరకు సాగుతుంది. మూడు ప్రాంతాలలో కూడా పోలింగ్ చాలా ప్రశాంతంగా కొనసాగుతోంది. వరంగల్ ల్లో ఉదయం 11 గంటలకు 21 శాతం పోలింగ్ నమోదు అయ్యింది.
వరంగల్ కార్పోరేషన్ లో మొత్తం 58 స్థానాలు (డివిజన్స్) ఉండగా వాటి కోసం 398 మంది అభ్యర్ధులు పోటీ పడుతున్నారు. ఖమ్మంలో 50 స్థానాలకు 291మంది పోటీ పడుతున్నారు. అదేవిధంగా అచ్చం పేటలో ఉన్న 20వార్డులకు 57 మంది పోటీ పడుతున్నారు. ఈ మూడు మునిసిపల్ ఎన్నికల ఫలితాలు మార్చి 9న వెలువడుతాయి.
