సాధారణంగా పోలీసులు వేధిస్తూ ఉంటారు. కానీ పోలీసుల్నే వేధిస్తే…! ఆ క్యారెక్టర్ కాస్త డిఫరెంటే. అందులోనూ ఆమె లేడీ అయితే… ఇంకాస్త ప్రత్యేకమే. అలాంటి క్యారెక్టర్ ఒకటి పోలీసుల్ని గడగడలాడిస్తూ దొరికిపోయింది. కాకపోతే.. పోలీసులు ఆమెను వేరే కేసులో బుక్ చేయగలిగారు. తమను వేధించిందని చెప్పుకోలేకపోయారు. సొంతంగా కేసులు పెట్టలేకపోయారు. ఈ క్రైమ్ స్టోరీలో అదే ట్విస్ట్.
హైదరాబాద్ రాచకొండ కమిషనరేట్ పరిధిలో కిలాడీ లేడీ లతారెడ్డిని పోలీసులు అరెస్ట్ చేశారు. ఆమెను అరెస్ట్ చేసిన కారణం ఒకరు తనను దూషించిందని ఎస్సీ, ఎస్టీ కేసు పెట్టడం. ఇలాంటి ఫిర్యాదు కోసమే ఎదురు చూస్తున్న పోలీసులు క్షణం ఆలస్యం చేయకుండా ఆమెను అరెస్ట్ చేశారు. పోలీసులపై ఆమెపై ఎందుకంత కోపం అంటే… వారిని కూడా ఆమె మామూలుగా టార్చర్ పెట్టలేదుమరి. మొత్తంగా ఆరుగురు ఎస్సైలు ఆమె బారిన పడ్డారు. ఏదో ఒక విషయంలో పీఎస్కు వెళ్లి పోలీసులతో పరిచయం పెంచుకుని.. వారితో సన్నిహితంగా వ్యవహరించడం ప్రారంభిస్తుంది. తర్వాత దానికి సంంబంధించిన ఆధారాలను సేకరించుకుని మెల్లగా బ్లాక్ మెయిల్ చేయడం ప్రారంభిస్తుంది. ఇలా మొత్తంగా ఆరుగురు ఎస్సైలో లతారెడ్డి బుట్టలో పడ్డారు. అడిగినప్పుడల్లా డబ్బులు సమర్పించుకుంటున్నారు.
అడిగినప్పుడల్లా డబ్బులు ఇవ్వకపోతే… లతా రెడ్డి ఉన్నతాధికారులకు ఫిర్యాదు చేసేది. ఆధారాలను సమర్పించేది. ఉన్నతాధికారులు.. అంతర్గత విచారణ జరిపేవారు. ఈ బాధలన్నీ ఎస్సైలు పడేవారు. అయితే.. తప్పు ఎస్సైలది కూడా ఉంది. ఆమె సన్నిహితంగా మాట్లాడితే.. బెండైపోయింది వాళ్లే కాబట్టి.. లతారెడ్డిపై ఫిర్యాదు చేసేందుకు పోలీసులు ధైర్యం చేయలేదు. చివరికి వేరే కేసులో అరెస్ట్ చేయాల్సి రావడంతో కసి తీర్చుకున్నారు.
లతారెడ్డి టైలర్గా పని చేస్తూంటారు. కానీ ఆమె ఇలా బ్లాక్ మెయిలింగ్కు అలవాటు పడిందని పోలీసులు చెబుతున్నారు. అయితే.. నేరుగా పోలీసుల్నే టార్గెట్ చేయడం…. వారితో ఓ ఆట ఆడుకోవడం… ఎస్సైలు ఆమె ట్రాప్లో పడటం మాత్రం పోలీసు డిపార్టుమెంట్ బలహీనతల్ని బయట పెడుతోంది.
