తెలంగాణలో లోక్ సభ ఎన్నికల ప్రచారం ముగింపు దశకు చేరుకోవడంతో బీజేపీ అగ్రనేతలు రాష్ట్రంలో సుడిగాలి పర్యటనలు చేస్తున్నారు. ఇప్పటికే ఓ దఫా ప్రచారం చేయగా ప్రచారం చివరి రోజుల్లో తెలంగాణలో పార్టీ అభ్యర్థులకు మద్దతుగా మరోసారి ప్రచారం చేయనున్నారు.

శుక్రవారం మహబూబ్ నగర్ బీజేపీ ఎంపీ అభ్యర్థి డీకే అరుణకు మద్దతుగా ప్రధాని మోడీ ప్రచారం చేయనున్నారు. గుల్బర్గా విమానాశ్రయం నుంచి మధ్యాహ్నం 3 :05 గంటలకు మోడీ నారాయణపేటకు చేరుకుంటారు. 3 : 15 నుంచి 4 : 05 వరకు నారాయణపేటలో బీజేపీ ఏర్పాటు చేసిన బహిరంగ సభలో పాల్గొని ప్రసంగిస్తారు.

అనంతరం 5 : 10 గంటలకు హైదరాబాద్ కు చేరుకుంటారు మోడీ. 5 : 30 నుంచి 6 : 20గంటల వరకు ఎల్బీ స్టేడియంలో జరిగే బహిరంగ సభలో పాల్గొంటారు. 6 : 40 గంటలకు బేగంపేట విమానాశ్రయం చేరుకొని అక్కడి నుంచి భువనేశ్వర్ కు వెళ్లనున్నారు మోడీ.

శుక్రవారం మోడీ తెలంగాణలో పర్యటించనుండగా ఎన్నికల ప్రచారం చివరి రోజైన శనివారం కేంద్ర హోం మంత్రి అమిత్ షా తెలంగాణకు రానున్నారు. వికారాబాద్, వనపర్తిలో పార్టీ నేతలు ఏర్పాటు చేసిన బహిరంగ సభల్లో పాల్గొని ప్రసంగించనున్నారు షా.