శ‌తాధిక చిత్రాల ద‌ర్శ‌కుడిగా రాఘ‌వేంద్ర‌రావు కీర్తి గ‌డించారు. ఇప్పుడాయ‌న‌కు న‌ట‌న‌పై ఆసక్తి క‌లిగింది. త‌నికెళ్ల భ‌ర‌ణి ద‌ర్శ‌క‌త్వంలో రాఘ‌వేంద్ర‌రావు హీరోగా ఓ సినిమా తెర‌కెక్క‌బోతోంది. దాంతో ద‌ర్శ‌కేంద్రుడు న‌టుడిగా ఎంట్రీ ఇవ్వ‌బోతున్నాడ‌ని ప్ర‌చారం జ‌రుగుతోంది. అయితే అంత‌కంటే ముందుగా రాఘ‌వేంద్ర‌రావు తెరంగేట్రం చేసేస్తున్నారు. `పెళ్లి సంద‌డి` సినిమాతో.

రాఘ‌వేంద్ర‌రావు తీసిన సూప‌ర్ డూప‌ర్ హిట్ల‌తో.. పెళ్లి సంద‌డి ఒక‌టి. ఈ సినిమాతో శ్రీ‌కాంత్ స్టార్ అయిపోయాడు. ఇప్పుడు శ్రీ‌కాంత్ త‌న‌యుడు రోష‌న్ తో న‌యా `పెళ్లి సంద‌డి`కి శ్రీ‌కారం చుట్టారు. ఈ చిత్రానికి రాఘ‌వేంద్ర‌రావు శిష్యురాలు గౌరి ద‌ర్శ‌క‌త్వం వ‌హిస్తోంది. రాఘేవేంద్ర‌రావు ద‌ర్శ‌క‌త్వ ప‌ర్య‌వేక్ష‌ణ‌కు ప‌రిమిత‌మ‌య్యారు. అయితే.. ఇప్పుడు తేలిన విష‌యం ఏమిటంటే… ఈ సినిమాలో హీరో రోష‌న్ కాదు. రాఘ‌వేంద్ర‌రావే. ఆయ‌న కోణంలోనే క‌థ న‌డుస్తుంద‌ని తెలుస్తోంది. రాఘ‌వేంద్ర‌రావు య‌వ్వ‌నంలో ఉండే పాత్ర‌ని రోష‌న్ పోషిస్తున్నాడ‌ట‌. అంటే ఈ సినిమా ఫ్లాష్ బ్యాక్ నేరేష‌న్ లో సాగ‌బోతోంద‌న్న‌మాట‌. `తీన్ మార్‌`లో ప‌రేష్ రావ‌ల్ ఫ్లాష్ బ్యాక్‌లోకి… ప‌వ‌న్ క‌ల్యాణ్ వ‌చ్చిన‌ట్టు, ఇక్క‌డ‌.. రాఘ‌వేంద్ర‌రావు ఫ్లాష్ బ్యాక్‌లో రోష‌న్ వ‌స్తాడ‌న్న‌మాట‌. సో.. ద‌ర్శ‌కేంద్రుడి న‌ట‌నా అగ‌రంగేట్రం.. `పెళ్లి సంద‌డి`తో షురూ కాబోతోందనుకోవొచ్చు. ప్ర‌స్తుతం హైద‌రాబాద్ లో చిత్రీక‌ర‌ణ సాగుతోంది. రోష‌న్ త‌దిత‌రుల‌పై కొన్ని కీల‌క‌మైన స‌న్నివేశాల్ని తెర‌కెక్కిస్తున్నారు.