‘గబ్బర్సింగ్’తో బ్లాక్బస్టర్ హిట్ కొట్టిన పవన్కళ్యాణ్ దానికి సీక్వెల్గా చేస్తున్న ‘సర్దార్ గబ్బర్సింగ్’ షూటింగ్లో వుండగానే మంచి క్రేజ్ని సంపాదించుకుంది. బాబీ దర్శకత్వంలో పవన్కళ్యాణ్ చేస్తున్న ఈ సినిమాపై ప్రేక్షకుల్లో, ఆడియన్స్లో విపరీతమైన ఎక్స్పెక్టేషన్స్ వున్నాయి. దానికి తగ్గట్టుగానే సినిమాని చాలా లావిష్ చిత్రీకరిస్తున్నారని తెలిసింది. ప్రస్తుతం పవన్కళ్యాణ్ ఈ చిత్రం షూటింగ్లో బిజీగా వున్నాడు. గత కొన్నిరోజులుగా ఈ చిత్రం షూటింగ్ హైదరాబాద్లో జరుగుతోంది. అయితే షూటింగ్కి బ్రేక్ ఇచ్చిన పవన్కళ్యాణ్ సింగపూర్ ఫ్లైట్ ఎక్కాడట. ఎందుకో, ఏమిటో తెలియదుగానీ తొందరలోనే తిరిగొచ్చి షూటింగ్ కంటిన్యూ చేస్తాడట. ఈ చిత్రం ఆడియో ఫంక్షన్ను మార్చి 12న అభిమానుల మధ్య చాలా గ్రాండ్గా చెయ్యాలని పవన్కళ్యాణ్ భావిస్తున్నాడు.
ఇదిలా వుంటే ఈ సినిమా రిలీజ్ అయిన వెంటనే పవన్కళ్యాణ్… ఎస్.జె.సూర్య డైరెక్షన్లో ‘ఖుషి2’ చేస్తాడట. ఈ చిత్రాన్ని నార్త్స్టార్ ఎంటర్టైన్మెంట్ పతాకంపై శరత్ మరార్ నిర్మిస్తాడని తెలుస్తోంది. తనకు ‘ఖుషి’లాంటి పెద్ద హిట్ ఇచ్చిన ఎస్.జె.సూర్య ‘కొమరం పులి’తో అందర్నీ డిజప్పాయింట్ చేసిన విషయం తెలిసిందే. ఇప్పుడు మాత్రం అలాంటి పొరపాట్లు జరగకుండా పవన్కళ్యాణ్ స్వయంగా అన్నీ చూసుకుంటాడట. మరి ఎస్.జె.సూర్య ఈసారి ఏం చేస్తాడో చూద్దాం.
