పవన్ కల్యాణ్ – సాయిధరమ్ తేజ్ కాంబోలో ఓ చిత్రం రూపుదిద్దుకొంటోంది. సముద్రఖని దర్శకుడు. తమిళంలో ఘన విజయం సాధించిన `వినోదాయ సీతమ్`కి ఇది రీమేక్. జులై 28న విడుదల చేస్తామని చిత్రబృందం ఇటీవలే ప్రకటించింది. అయితే ఈ సినిమా టైటిల్ ఏమిటన్నది ఇంకా తెలీలేదు. ఈ శ్రీరామనవమికి టైటిల్ని అధికారికంగా ప్రకటించే అవకాశం ఉంది. ఈ చిత్రానికి `దేవర` అనే టైటిల్ ఫిక్స్ చేసే అవకాశం ఉంది. `గోపాల.. గోపాల` తరహా కథ ఇది. అందులో పవన్ దేవుడిగా కనిపించాడు. ఇందులోనూ పవన్ది అలాంటి పాత్రే. సాయిధరమ్ తేజ్.. పవన్ని `దేవర..` అని ముద్దుగా పిలుచుకొంటాడట. అందుకే ఈ సినిమా టైటిల్ గా ఈ పేరే బాగుంటుందని చిత్రబృందం భావిస్తోంది. అయితే ఈ టైటిల్ మరో నిర్మాత దగ్గర ఉందని తెలుస్తోంది. పవన్ సినిమా కోసం టైటిల్ ఒకటి అనుకొంటే, అది ఎవరి దగ్గర ఉన్నా.. ఈజీగా వచ్చేస్తోంది. అందుకే టైటిల్ విషయంలో ఇదేం పెద్ద సమస్య కాదు.
పవన్ టైటిల్ ఇదేనా?
