సర్దార్ గబ్బర్ సింగ్ మూడ్లోంచి బయటకు వచ్చి ఎస్.జె సూర్య సినిమాని పట్టాలెక్కించేద్దామనుకొన్నాడు పవన్ కల్యాణ్. అయితే.. పవన్ మూడ్ ఇప్పుడు మారిపోయింది. నెల రోజులు సెలవు తీసుకొని, అప్పుడు ఫ్రెష్ గా సూర్య సినిమాని మొదలెడదామని డిసైడ్ అయ్యాడు. అందుకే ఇప్పుడు పవన్ సమ్మర్ హాలీడేస్ తీసుకొన్నట్టు సమాచారం. పవన్ ప్రస్తుతం రష్యాలో ఉన్నాడని టాక్. రష్యాలోనే ఎందుకంటే అది పవన్ అత్తారిల్లు. పవన్ మూడో భార్య అన్నాలెజ్నివాది రష్యానే. భార్యతో కలసి ఇప్పటి వరకూ పవన్ అక్కడికి వెళ్లలేదట. అందుకే భార్య కోరిక మేరకు… కూతురితో కలసి పవన్ రష్యా వెళ్లాడట. అక్కడ నెలరోజులు విశ్రాంతి తీసుకొని, అప్పుడు.. సూర్య సినిమాల షూటింగ్లో పాల్గొంటాడని సమాచారం.
నిజానికి పవన్ ఈ సమ్మర్లో పూణెలో మకాం పెట్టాల్సింది. అక్కడ అకీరాతో కలసి సరదాగా గడిపి వద్దామని పవన్ ప్లాన్ చేశాడు. అయితే ఎందుకనో సడన్గా పవన్ పోగ్రామ్లో మార్పు వచ్చింది. రష్యా నుంచి వచ్చాక..ఇక విరామం లేకుండా సూర్య సినిమా షూటింగ్ లో పాల్గొంటాడని టాక్. శరత్ మరార్ నిర్మాతగా వ్యవహరిస్తున్న ఈ చిత్రానికి అనూప్ సంగీతం అందిస్తున్నాడు. కథానాయికని ఎంపిక చేయాల్సివుంది.
