ప్రస్తుతం ‘సర్దార్ గబ్బర్సింగ్’ షూటింగ్లో బిజీగా వున్న పవన్కళ్యాణ్ ఈ సినిమాని ఏప్రిల్ 8న రిలీజ్ చేయడానికి సన్నాహాలు చేస్తున్న విషయం తెలిసిందే. ఈ చిత్రం తర్వాత తనకు ‘ఖుషి’ వంటి బ్లాక్బస్టర్ ఇచ్చి ఆ తర్వాత ‘కొమరం పులి’ వంటి డిజాస్టర్ని చేసిన ఎస్.జె.సూర్యతో సినిమా చెయ్యబోతున్నాడన్న వార్తలు వచ్చాయి. అయితే అభిమానుల నుంచి వచ్చిన ఫీడ్బ్యాక్ దృష్ట్యా ప్రస్తుతానికి ఎస్.జె.సూర్యతో చెయ్యాలనుకున్న సినిమాను పెండింగ్లో పెట్టినట్టు తెలుస్తోంది. ప్రస్తుత పరిస్థితుల్లో ఆల్రెడీ ప్రూవ్ అయిన సబ్జెక్ట్తో సినిమా చేస్తేనే బాగుంటుందని పవన్ భావిస్తున్నాడట.
అజిత్ హీరోగా ‘శౌర్యం’ శివ దర్శకత్వంలో ఎ.ఎం.రత్నం నిర్మించిన ‘వేదాలమ్’ తమిళ్లో చాలా పెద్ద హిట్ అయింది. తెలుగులో ఈ సినిమాని చేస్తే డెఫినెట్గా వర్కవుట్ అవుతుందన్న సలహా తీసుకున్న పవన్కళ్యాణ్ ప్రస్తుతం ఆ ఆలోచనలోనే వున్నాడట. తెలుగులో కూడా ఈ చిత్రాన్ని ఎ.ఎం.రత్నమే నిర్మిస్తున్నాడట. సిస్టర్ సెంటిమెంట్తో డిఫరెంట్ బ్యాక్డ్రాప్లో రూపొందిన ‘వేదాలమ్’ తెలుగులో కూడా పెద్ద హిట్ అవుతుందన్న నమ్మకంతో వున్నాడు పవన్. గతంలో పవన్కళ్యాణ్తో ‘ఖుషి’, ‘బంగారం’ వంటి సూపర్హిట్ చిత్రాలను నిర్మించిన ఎ.ఎం.రత్నం ఈ చిత్రంతో హ్యాట్రిక్ కొట్టడానికి రెడీ అవుతున్నాడు. ఈ చిత్రాన్ని తెలుగులో ఎవరు డైరెక్ట్ చేస్తారు? పవన్ సరసన నటించబోయే హీరోయిన్ ఎవరు? వంటి వివరాలు త్వరలోనే తెలుస్తాయి.
