`అప్ప‌య్యుమ్ కోషియ‌మ్‌` రీమేక్ పై ప‌వ‌న్ క‌ల్యాణ్ ఆసక్తి చూపిస్తున్నాడ‌న్న వార్త టాలీవుడ్ లో గ‌ట్టిగానే చ‌క్క‌ర్లుకొడుతోంది. ప‌వ‌న్ చేతిలో చాలా సినిమాలున్నాయిప్పుడు. అవ‌న్నీ పూర్తి కాకుండా… మ‌రో సినిమా ఎలా ఒప్పుకుంటాడ‌న్న‌ది అంద‌రిలో ఉన్న డౌటు. కాక‌పోతే.. ప‌వ‌న్ ఈ రీమేక్ చేయాల‌నే ఫిక్స‌య్యాడ‌ని స‌మాచారం. అయితే రెండు నెలల్లో ఈ సినిమాని పూర్తి చేస్తేనే ఒప్పుకుంటాని టార్గెట్ ఫిక్స్ చేశాడ‌ట‌. 60 రోజుల్లో ఈ రీమేక్ పూర్త‌య్యే అవ‌కాశాల్ని కొట్టిపారేయ‌లేం. ఎందుకంటే.. భారీ హంగుల‌న్న సినిమా కాదిది. ఇప్ప‌టికే స్క్రిప్టు సిద్ధంగా ఉంది. కాక‌పోతే.. మ‌రో హీరో ఎవ‌ర‌న్న‌దీ తేలాలి. ఈ సినిమా చేయ‌డానికి ర‌వితేజ‌, రానా లాంటి హీరోలు సిద్ధంగానే ఉన్నారు. రెండో పాత్ర కోసం విజ‌య్ సేతుప‌తి పేరు కూడా ప‌రిశీల‌న‌లో వుంది. ఆ రెండో హీరో ఎవ‌ర‌న్న‌ది తేలిపోతే – వాళ్ల కాల్షీట్ల‌ని బ‌ట్టి ఈ సినిమాని చ‌క చ‌క పూర్తి చేయొచ్చు. వ‌కీల్ సాబ్ పూర్త‌యిన వెంట‌నే క్రిష్ సినిమా మొద‌లెట్టాలి ప‌వ‌న్‌. అయితే.. క్రిష్ మ‌రో ప్రాజెక్టుతో బిజీ అయ్యాడు. క్రిష్ ఆ ప్రాజెక్టు నుంచి బ‌య‌ట‌కు వ‌చ్చేలోగా.. ఈ రీఏమేక్ ప‌ని ప‌ట్టాల‌న్న‌ది ప‌వ‌న్ ప్లాన్‌. మ‌రి ఏం జ‌రుగుతుందో చూడాలి.