పవన్ కల్యాణ్ – డాలీ కాంబినేషన్లో ఓ సినిమా తెరకెక్కబోతున్న సంగతి తెలిసిందే. ఆల్రెడీ స్క్రిప్టు వర్క్ పూర్తయింది. త్వరలోనే ఈ సినిమా సెట్స్పై వెళ్తోంది. ఈ సినిమాకి సంబంధించిన లేటెస్ట్ అప్డేట్ ఏంటంటే… ఈసినిమాలో పవన్ తో పాటుగా మరో ముగ్గురు హీరోలూ కనిపిస్తారట. కీలకమైన పాత్రల్లో యంగ్ హీరోల్ని తీసుకోవాలని పవన్, డాలీ భావిస్తున్నార్ట. ఈ పాత్రల కోసం శర్వానంద్, విజయ్దేవకకొండ, నవీన్చంద్ర లాంటి హీరోల పేర్లు పరిశీలిస్తున్నట్టు టాక్. ఈ విషయమై విజయ్ దేవరకొండతో చిత్రబృందం సంప్రదిస్తున్నట్టు విశ్వసనీయ వర్గాల సమాచారం.
పెళ్లి చూపులు సినిమాతో యూత్ లో మంచి పేరు సంపాదించుకొన్నాడు విజయ్ దేవరకొండ. పవన్ సినిమాలోనూ ఛాన్స్ దక్కించుకొంటే… ఎక్కడికో వెళ్లిపోయినట్టే. ప్రస్తుతం చిత్రబృందం లొకేషన్ల వేట ప్రారంభించింది. మరోవైపు అనూప్ రూబెన్స్ ఈ సినిమాకి సంబంధించిన బాణీలు ఇచ్చేశాడట. పాటల రికార్డింగ్ మొదలవ్వాల్సివుంది. శ్రుతిహాసన్ కథానాయికగా నటిస్తున్న ఈ చిత్రంలో పవన్ ఫ్యాషనిస్ట్ లీడర్గా కనిపించనున్నట్టు టాక్.
