కన్నడలో ‘యూటర్న్’ సినిమా సూపర్ హిట్ అయ్యింది.. అయితే ఆ సినిమా చూసిన సమంత దాన్ని తెలుగు, తమిళ భాషల్లో స్వయంగా తన నిర్మాణ సారధ్యంలో రీమేక్ చేయాలనుకుందని మీడియా ఒకటే హడావిడి చేసింది. సమంత కూడా ఏం మాట్లాడకుండా సైలెంట్ గా ఉంటే సమంత ప్రొడ్యూసర్ అవ్వడం ఖాయం అనుకున్నారంతా.. అయితే కన్నడ ‘యూటర్న్’ సినిమా దర్శకుడు పవన్ కుమార్ అసలు విషయం చెప్పుకొచ్చాడు. సమంతకు యూటర్న్ సినిమా నచ్చిన విషయం నిజమే..కాని ఆమె నిర్మాతగా చేయడం పట్ల ఆమె స్పష్టంగా లేదు అన్నారు పవన్.
యూటర్న్ చూసి ఆమె దానిలో నటించాలని ఆశపడ్డారే తప్ప ఆమెకు నిర్మించే ఆలోచన లేదని రూమర్స్ కొట్టిపారేశాడు పవన్ కుమార్. ప్రస్తుతం సూపర్ స్టార్ మహేష్ బ్రహ్మోత్సవం, త్రివిక్రం దర్శకత్వంలో అ..ఆ సినిమాలు చేస్తున్న సమంత కోలీవుడ్ తేరితో కూడా ప్రేక్షకుల ముందుకు రానుంది. తెలుగులో కూడా తేరి పోలీసోడుగా రిలీజ్ అవుతుండటంతో మరింత క్రేజ్ సంపాదించింది. ఇక సూర్య 24లో కూడా సమంత హీరోయిన్ గా చేస్తుంది. సో ఓవరాల్ గా ఈ సమ్మర్ మొత్తం హీరోల హవా ఎలా ఉన్నా సమంత మాత్రం తన స్టార్డం ను కొనసాగిస్తూ మిగతా హీరోయిన్స్ అసూయ పడేలా చేస్తుంది.
