లీకువీరులు ఓ రేంజులో రెచ్చిపోతున్నారు. ప్రతీ నిర్మాణ సంస్థలోనూ కొంతమంది లీకు వీరులు తయారవుతున్నారు. సంస్థ నుంచి అఫీషియల్గా రావాల్సిన విషయాలు, విశేషాలన్నీ.. లీకు వీరుల పుణ్యాన ముందే బయట పడిపోతున్నాయి. ఈ ఎఫెక్ట్ గోపీచంద్పైనా పడింది. గోపీచంద్ కథానాయకుడిగా నటిస్తున్న చిత్రం `పంతం`. కె. చక్రవర్తి దర్శకుడు. గురువారం ఫస్ట్ లుక్ విడుదల కావాల్సింది. అయితే బుధవారం పొద్దుట నుంచే పంతం లుక్ సోషల్ మీడియాలో చక్కర్లు కొట్టడం మొదలెట్టింది. ఈ విషయం తెలుసుకున్న చిత్రబృందం ఒక్కసారి ఉలిక్కిపడింది. ఇక గత్యంతరం లేకపోవడంతో ఒకరోజు ముందే.. ఫస్ట్ లుక్ని విడుదల చేసేశారు. గోపీచంద్ నటిస్తున్న 25వ చిత్రమిది. యాక్షన్ ఎంటర్టైనర్గా సాగబోతోంది. ప్రమోషన్లను మెల్లమెల్లగా మొదలెట్టే ఆలోచనలో ఉంది చిత్రబృందం. త్వరలోనే టీజర్ని వదులుతారు.
లీకు వీరుల మహిమ… పంతం వచ్చేసింది
