అక్కినేని నటవారసత్వాన్ని తన భుజస్కందాల మీద వేసుకుని సినిమా సినిమాకు కొత్తదనంతో కూడిన పాత్రలతో ప్రేక్షకులను పరవశింప చేస్తున్న నాగార్జున మరోసారి తన పాత్రతో అభిమానులను అలరిచేందుకు సిద్ధమయ్యాడు. మనం, సోగ్గాడే చిన్ని నాయనా సినిమాల తర్వాత నాగ్ నటిస్తున్న సినిమా ఊపిరి. యువ హీరో కార్తితో కలిసి చేస్తున్న ఈ మల్టీస్టారర్ ముందునుండి ఎంతో ప్రతిష్టాత్మకంగా రూపొందించబడుతుంది.
రీసెంట్ గా రిలీజ్ అయిన టీజర్ కే భారీ స్పందన తెచ్చుకున్న ఊపిరి ట్రైలర్ కొద్ది గంటల క్రితం రిలీజ్ అయ్యింది. ఇక ట్రైలర్ చూస్తుంటే.. హిట్ సినిమా ట్రైలర్ చూస్తున్నట్టే ఉంది. తన సహజ నటనతో నాగార్జున.. అల్లరి చిల్లరగా కార్తి పోటాపోటీగా నటించిన ఈ సినిమా ట్రైలర్ లోనే సినిమా అర్ధమవుతుంది. పివిపి బ్యానర్ లో పరం వి పొట్లూరి నిర్మిస్తున్న ఈ సినిమా వంశీ పైడిపల్లి దర్శకత్వం వహిస్తున్నాడు.
మార్చ్ 25న తెలుగు, తమిళ భాషల్లో ప్రపంచవ్యాప్తంగా రిలీజ్ అవబోతున్న ఈ సినిమా మీద అభిమానులు భారీ అంచనాలు పెట్టుకున్నారు. మరి సినిమా ఎలాంటి ఫలితాన్ని ఇస్తుందో చూడాలి.
