సాయిధరమ్ తేజ్, తన మేనేజర్ సతీష్కీ మధ్య వచ్చిన గ్యాప్ గురించి ఇండస్ట్రీ అంతా తెలిసిపోయింది. ఇద్దరూ మంచి మిత్రులు. తేజ్ కోసం.. సతీష్ మేనేజర్గా మారాడు. అయితే.. ‘బ్రో’ సెట్లో.. వీరిద్దకీ వాగ్వాదం నడిచింది. మాటా మాటా పెరిగి ఇద్దరూ విడిపోయారు. చాలా కాలం నుంచి.. తేజ్ దగ్గర నమ్మకంగా పని చేస్తూ వచ్చాడు. సాధారణంగా మేనేజర్లు హీరోని అడ్డం పెట్టుకొని బాగా సంపాదిస్తారు. హీరోల రెమ్యునరేషన్లలో కమీషన్లు తీసుకొని… సెటిల్ అయిపోతుంటారు. కానీ సతీష్ అలా కాదు. తనకి క్లీన్ ఇమేజ్ ఉంది. నిజాయతీ పరుడనే పేరుంది. తేజ్ – సతీష్ గొడవలో.. సతీష్ది తప్పులేదని ఇండస్ట్రీ గట్టిగా నమ్ముతోంది. అందుకే… ఇప్పుడు సతీష్కి ఆఫర్లు అందుతున్నాయి. `మా సంస్థలో చేరు…` అంటే `మా హీరోకి పనిచేయ్` అంటూ నిర్మాతలు తనకి మంచి ఆఫర్లు ఇస్తున్నార్ట. అయితే సతీష్ మాత్రం ఎలాంటి నిర్ణయం తీసుకోలేదని తెలుస్తోంది.
సాధారణంగా హీరోల మేనేజర్లకు చేతినిండా సంపాదన ఉంటుంది. అటు హీరో పారితోషికంలో కమీషన్, ఇటు… నెలవారీ జీతం కామన్. కానీ… సతీష్ మాత్రం జీతం కోసం పని చేయలేదు. తేజ్ కోసం అహర్నిశలూ శ్రమించాడు. `విరూపాక్ష`లాంటి ప్రాజెక్టులు సెట్ అవ్వడంలో సతీష్ ది కీలకమైన పాత్ర. తేజ్కి రోడ్డు ప్రమాదం జరిగినప్పుడు, తను ఆసుపత్రి పాలైనప్పుడు కంటికి రెప్పలా కాపాడుకొన్నాడు. తేజ్ దగ్గర సినిమాలు లేనప్పుడూ, ఉన్నప్పుడూ ఒకేలా ఉన్నాడు. అందుకే.. సతీష్పై అందరికీ అంత కన్సర్న్.
