టాలీవుడ్లో డ్యాన్సులతో ఇరగొట్టే హీరోల్లో ఎన్టీఆర్ ఒకడు.. క్లాస్ మాస్ ఎలాంటి స్టెప్స్ అయినా ఎన్టీఆర్ అవలీలగా వేసేస్తాడు. యాక్టింగ్లో ఎంత ఎమోషనల్ ట్రీట్ ఇస్తాడో డ్యాన్సుల్లో అంత ఈజ్ ని కనబరుస్తాడు ఎన్టీఆర్. అయితే ప్రస్తుతం ఎన్టీఆర్ చేస్తున్న సినిమా నాన్నకు ప్రేమతో.. ఇది సుకుమార్ సినిమా కాబట్టి సినిమా సంథింగ్ స్పెషల్ గా ఉంటుంది అని ప్రత్యేకంగా చెప్పాల్సిన పనిలేదు. ఎన్టీఆర్ లుక్ నుండి ప్రతీది చాలా జాగ్రత్తగా డీల్ చేస్తున్న సుక్కు ఈ సినిమాలో యంగ్ టైగర్లో ఉన్న డ్యాన్సింగ్ టాలెంట్ గురించి కూడా ఎక్కువ కాన్సంట్రేట్ చేస్తున్నాడట.

తను చేసే ప్రతి సినిమాలో హీరోలను చాలా స్టైలిష్ గా చూపించే సుకుమార్ డ్యాన్సుల్లో కూడా చాలా కేర్ తీసుకుంటాడు. అయితే ఎలాగు ఎన్టీఆర్ మంచి డ్యాన్సర్ కాబట్టి సినిమాలో మంచి డ్యాన్స్ బీట్స్ ఉండేలా ప్లాన్ చేస్తున్నారట. సినిమాలో ఓ సాంగ్లో ఎన్టీఆర్ ఇదవరకు ఎన్నడు చేయని డిఫరెంట్ స్టెప్స్ తో ప్రేక్షకులను అలరిస్తాడని అంటున్నారు. ఎన్టీఆర్ స్టెప్స్ వేసి ఫ్లోర్ అంతా అదరగొట్టేశాడట.

ఇప్పటికే వదిలిన టీజర్, పోస్టర్స్ లో ఆడియెన్స్ ని అలరిస్తున్న యంగ్ టైగర్ ఈ సినిమాలో మరింత స్టైలిష్ గా కనిపించి సినిమా హిట్ కొట్టనున్నాడు. సంక్రాంతి బరిలో దిగేందుకు రెడీ అవుతున్న ఈ సినిమా ఎన్టీఆర్ అభిమానులకు నిజమైన పండుగ తీసుకురావాలని కోరుకుంటున్నారు.