ఎన్టీఆర్ జోరు మామూలుగా లేదు. సినిమా సినిమాకీ కొత్త అవ‌తారంలో క‌నిపిస్తున్నాడు. గ్యాప్ కూడా పెద్ద‌గా తీసుకోవ‌డం లేదు. ‘జై ల‌వ‌కుశ‌’ వ‌చ్చి వెళ్లింది. త్రివిక్ర‌మ్ సినిమా త్వ‌ర‌లో మొద‌ల‌వ్వ‌బోతోంది. ఈలోగా.. ఎన్టీఆర్ మ‌రో సినిమా కూడా చేసే అవ‌కాశాలున్నాయ‌ని టాక్‌. త్రివిక్ర‌మ్ సినిమా ‘అజ్ఞాత‌వాసి’ ఈ సంక్రాంతికి విడుద‌ల అవుతుంది. ఆ త‌ర‌వాత‌.. ఎన్టీఆర్ స్క్రిప్టు మొద‌లై, పూర్త‌య్యే స‌రికి మ‌రో మూడు నెల‌లైనా ప‌డుతుంది. ఈలోగా ఖాళీగా ఉండ‌డం ఎందుక‌న్న‌ది ఎన్టీఆర్ ఆలోచ‌న‌. అందుకే… ఈ ఆరు నెల‌ల్లో ఓ సినిమా పూర్తి చేద్దామ‌నుకొంటున్న‌ట్టు టాక్‌. అందుకోసం ఇటీవ‌ల దిల్‌రాజుతోనూ ఎన్టీఆర్ సంప్ర‌దింపులు జ‌రిపాడ‌ని తెలుస్తోంది.

ఎన్టీఆర్ రేపో మాపో.. విదేశాల‌కు వెళ్ల‌నున్నాడు. కుటుంబ స‌భ్యుల‌తో రెండు వారాల పాటు జాలీ ట్రిప్ వేసి తిరిగి వ‌స్తాడు. ఆ త‌ర‌వాత‌.. త్రివిక్ర‌మ్‌తో ఓ సిట్టింగ్ ఉంటుంది. త్రివిక్రమ్ సినిమా మొద‌లెట్ట‌డానికి ఎంత స‌మ‌యం ప‌డుతుందో ఓ అవ‌గాహ‌న‌కు వ‌చ్చిన త‌ర‌వాత‌… ఎన్టీఆర్ త‌దుప‌రి సినిమా విష‌యంలో ఓ నిర్ణ‌యం తీసుకొనే అవ‌కాశం ఉంది. త్రివిక్ర‌మ్ సినిమా టైమ్ ప‌ట్టేట్టు ఉంటే.. దిల్‌రాజు బ్యాన‌ర్‌లో,ఓ యువ ద‌ర్శ‌కుడితో ఎన్టీఆర్ సినిమా చేసే అవ‌కాశాలు పుష్క‌లంగా ఉన్నాయ‌ని టాక్‌. అందుకోసం దిల్ రాజు రెడీగానే ఉన్నాడట‌. త‌న ద‌గ్గ‌ర ఓ స్క్రిప్టు కూడా ఉంద‌ని, ఆరు నెల‌ల్లో సినిమా పూర్తి చేస్తానన్న మాట ఇస్తే, దిల్‌రాజు బ్యాన‌ర్‌లో త‌దుప‌రి సినిమా ఉండ‌బోతోంద‌ని తెలుస్తోంది.