ఈనెల 5న ఎల్బీ స్టేడియంలో సరిలేరు నీకెవ్వరు ప్రీ రిలీజ్ ఫంక్షన్ జరగబోతోంది. ఈ ఈవెంట్కి చిరంజీవి ముఖ్య అతిథిగా వస్తున్నాడు. చిరు రాకతో ఈ ఈవెంట్కి కొత్త కళ రాబోతోంది. అయితే ఇప్పుడు `సరిలేరు… `టీమ్ మరో ఈవెంట్ని ఈప్లాన్ చేస్తోంది. అది ఎన్టీఆర్తో.
అవును.. మహేష్ బాబు ‘మహర్షి’ సినిమా ప్రీ రిలీజ్ ఫంక్షన్కి ఎన్టీఆర్ అతిథిగా వచ్చాడు. ఇప్పుడు అదే సెంటిమెంట్ ని మహేష్ మరోసారి కొనసాగించబోతున్నాడు. జనవరి 9న హైదరాబాద్లో చిత్రబృందం మరో ఈవెంట్కి ప్లాన్ చేసింది. ఈసారి ఎన్టీఆర్ని గెస్ట్గా పిలిచింది. ఎన్టీఆర్ టైమ్ ఫిక్స్ చేయగానే, దాన్ని బట్టి ఈవెంట్ టైమ్, వేదిక ఫిక్స్ చేయాలని చిత్రబృందం భావిస్తోంది.ఈ రెండో వేడుక కూడా హైదరాబాద్లోనే ఉండొచ్చు. ప్రీ రిలీజ్కి చిరుని, మరో ఈవెంట్ కి ఎన్టీఆర్ ని రంగంలోకి దింపుతున్నాడంటే ప్రమోషన్లు ఏ రేంజులో ప్లాన్ చేశారో అర్థం చేసుకోవొచ్చు. ఇప్పటికే ఈ సినిమాకి సంబంధించిన ప్రచారం పీక్స్లో సాగుతోంది. వారానికి ఓ పాట, రెండ్రోజులకు ఓ కొత్త స్టిల్ విడుదల చేసి హంగామా చేస్తోంది చిత్రబృందం. మున్ముందు ఇంకెంన్ని ట్రీట్లు ఇవ్వబోతోందో..?
