ఎన్టీఆర్ -కొరటాల శివ సినిమా ప్రకటన గ్రాండ్ వచ్చింది. ఎన్టీఆర్ కెరీర్ లో 30వ సినిమాగా రాబోతున్న ఈ సినిమా వీడియో టీజర్ వదిలారు. ఎన్టీఆర్ వాయిస్ లో ఒక భారీ డైలాగ్ కూడా చెప్పించారు. ‘అప్పుడప్పుడు ధైర్యానికి కూడా తెలీదు అవసరానికి మించి తను ఉండకూడదని, అప్పుడు భయానికి తెలియాలి తను రావాల్సిన సమయం వచ్చిందని. వస్తున్నా ..” ఇదీ వీడియోలో వినిపించిన డైలాగ్. సముద్ర తీరం, అలలు, కత్తులు.. వర్షం.. ఇలా టెర్రిఫిక్ గా వీడియోని డిజైన్ చేశారు. అనిరుద్ ఈ చిత్రానికి సంగీతం అందిస్తున్నాడు. రత్నవేలు డీవోపీ. అక్కినేని శ్రీకర్ ప్రసాద్ ఎడిటర్. ఎన్టీఆర్ ఆర్ట్స్, యశోద ఆర్ట్స్ సంయుక్త నిర్మాణం. ఎన్టీఆర్- కొరటాల కలయికలో గతంలో జనతా గ్యారేజ్ లాంటి భారీ హిట్ వచ్చింది. ఇప్పుడు మళ్ళీ కొరటాల- ఎన్టీఆర్ సినిమా సెట్స్ పైకి వెళ్ళడం అభిమానుల్లో భారీ అంచనాలు పెంచింది.