నాని నిర్మాణ సంస్థ నుంచి వ‌చ్చిన మ‌రో చిత్రం `హిట్ 2`. రివ్యూలు ఈ సినిమాకి ఏవ‌రేజ్ రేటింగునే ఇచ్చాయి. కాక‌పోతే నిర్మాత‌గా నాని సేఫ్‌. ప‌రిమిత‌మైన బ‌డ్జెట్‌లో ఓ ప్రాఫెట్‌బుల్ వెంచ‌ర్‌ని తీయ‌గ‌లిగాడు నాని. ఇప్పుడు హిట్ 2కీ శ్రీ‌కారం చుడుతున్నాడు. అదే ద‌ర్శ‌కుడు, దాదాపు అదే టీమ్ తో `హిట్ 2`జూన్‌లో ప‌ట్టాలెక్క‌బోతోంది. అయితే ఈసారి క‌థానాయ‌కుడు మారే అవ‌కాశాలు పుష్క‌లంగా క‌నిపిస్తున్నాయి. విశ్వ‌క్ సేన్ ఈ సీక్వెల్ లో ఉండ‌క‌పోవొచ్చు. ఆ స్థానంలో మ‌రో క‌థానాయ‌కుడ్ని వెదికి ప‌ట్టుకునే ప‌నిలో ఉంది చిత్ర‌బృందం.

హిట్ 2కి… ప్ర‌ధాన బ‌లం విశ్వ‌క్‌సేన్‌. త‌న అత్యంత స‌హ‌మైన న‌ట‌న‌, ఆ పాత్ర‌లో క‌నిపించిన ఆటిట్యూడ్ ఈ చిత్రాన్ని నిల‌బెట్టాయి. న‌టుడిగా విశ్వ‌క్‌కి మంచి మార్కులు ప‌డ్డాయి. అయితే.. చేసిన పాత్ర‌లో మ‌ళ్లీ క‌నిపించ‌డం విశ్వ‌క్‌కు ఇష్టం లేదు. ఎప్ప‌టిక‌ప్పుడు కొత్త జోన‌ర్‌నీ, కొత్త క‌థ‌నీ వెదుక్కునే ప‌నిలో ఉంటాడు. అందుకే.. హిట్ 2 అవకాశాన్ని సున్నితంగా తిర‌స్క‌రించిన‌ట్టు టాక్‌. నాని కూడా… హిట్ అనే క‌థ‌ని ఫ్రాంజైజీలా చేద్దామ‌నుకుంటున్నాడు. ఒక్కో భాగం ఒక్కో హీరోతో చేద్దామ‌న్న ఆలోచ‌న‌లో ఉన్న‌ట్టు తెలుస్తోంది. ఒక‌వేళ ద‌ర్శ‌కుడు మారినా స‌రే, ఈ ఫ్రాంజైజీ కొన‌సాగించాల‌ని నాని భావిస్తున్నాడ‌ట‌. హిట్ 2 క‌థ విప‌రీతంగా న‌చ్చేసి, ఆ పాత్రలో మ‌ళ్లీ ఓ కొత్త కోణం ఉంద‌ని అనిపిస్తే త‌ప్ప‌.. విశ్వ‌క్ సేన్ ఈ సీక్వెల్‌లో క‌నిపించే అవ‌కాశాలు లేవ‌ని తెలుస్తోంది. మ‌రి ఈసారి విక్ర‌మ్ పాత్ర‌లో క‌నిపించేది ఎవ‌రో చూడాలి.