టాలీవుడ్ దృష్టిని ఆక‌ర్షిస్తున్న చిత్రాల్లో మహాన‌టి కూడా ఒక‌టి. సావిత్రి జీవిత క‌థ ఇది. దానికి తోడు హేమా హేమీలైన న‌టీన‌టులున్నారు. ఓ విధంగా చెప్పాలంటే ఇదో మ‌ల్టీస్టార‌ర్‌! విడుద‌ల తేదీ కూడా ఫిక్స‌య్యింది. మేలో ఈ చిత్రాన్ని విడుద‌ల చేస్తున్నారు. మ‌రోవైపు ప్ర‌మోష‌న్లు కూడా మెల్ల‌గా మొద‌లెట్టేసింది చిత్ర‌బృందం. ఈలోగా.. ఈ చిత్రానికి సంబంధించిన ఆస‌క్తిక‌ర‌మైన ఓ విష‌యం వెలుగులోకి వ‌చ్చింది. మ‌హాన‌టిలో ఎస్వీఆర్ పాత్ర‌ని పోషించిన మోహ‌న్‌బాబు.. అందుకోసం పైసా కూడా పారితోషికం తీసుకోలేద‌ట‌. అశ్వ‌నీద‌త్ `మీరు అడిగినంత పారితోషికం ఇస్తా` అని చెప్పినా – మోహ‌న్‌బాబు ‘నో’ అనేశార్ట‌. ‘ఎస్వీఆర్ పాత్రలో న‌టించ‌డం ఓ గౌర‌వం లాంటిది. దానికి వెల క‌ట్టలేను’ అంటూ సున్నితంగా తిర‌స్క‌రించార్ట‌. అంతేకాదు, త‌న ఖ‌ర్చుల్ని తానే భ‌రించార్ట‌. మోహ‌న్‌బాబు అడిగితే అశ్వ‌నీద‌త్ కోటి రూపాయ‌ల పారితోషికం ఇవ్వ‌డానికైనా రెడీ అయ్యారు. అలాంటిది మోహ‌న్‌బాబు పైసా కూడా తీసుకోలేదంటే.. ఆ పాత్ర‌పై, ముఖ్యంగా ఎస్వీఆర్‌పై ఆయ‌న చూపించిన ప్రేమ అలాంటిది. ఈరోజు మ‌హాన‌టిలో స‌మంత లుక్‌ని విడుద‌ల చేయ‌బోతోంది. త్వ‌ర‌లోనే మోహ‌న్‌బాబు లుక్ కూడా బ‌య‌ట‌కు రానుంది. ఘ‌టోద్క‌చుడిగా ఆయ‌న రూపం ఎలా ఉంటుందో తెలియాలంటే ఇంకొన్ని రోజులు ఆగాల్సిందే.