ఈ సంక్రాంతి సినిమాల్లో `హీరో` ఒకటి. శ్రీరామ్ ఆదిత్య దర్శకత్వం వహించిన ఈ చిత్రంతోనే అశోక్ గల్లా హీరోగా పరిచయం అవుతున్నాడు. నిధి అగర్వాల్ కథానాయికగా నటిస్తోంది. ప్యాడింగ్ బాగానే ఉంది. బాగానే ఖర్చు పెట్టినట్టు అర్థం అవుతోంది. కౌబోయ్ కి సంబంధించిన ఎపిసోడ్ హైలెట్ గా ఉండబోతోందని టాక్.
ఈ కథ చాలామంది యంగ్ హీరోల దగ్గరకు వెళ్లింది. ముఖ్యంగా నితిన్ తో ఈ సినిమా చేద్దామనుకున్నాడట శ్రీరామ్ ఆదిత్య. అందుకు సంబంధించిన డిస్కర్షన్లు కూడా జరిగాయి. కానీ అటు తిరిగి ఇటు తిరిగి గల్లా అశోక్ దగ్గరకు వెళ్లింది. సినిమా హీరో అవ్వాలని కలలు కనే ఓ కుర్రాడి కథ. అది అవ్వకపోగా.. ఓ మర్డర్ మిస్టరీలో చిక్కుకుంటాడు. అదెలా జరిగిందన్నది సస్పెన్స్. ఈ సినిమాలో సినిమాలకు సంబంధించిన ఓ ట్రాక్ ఉందట. అది చాలా హిలేరియస్ గా వచ్చిందని, ఈ సినిమా విడుదలయ్యాక.. అది టాక్ ఆఫ్ ది ఇండ్రస్ట్రీ అవ్వబోతోందని గుసగుసలు వినిపిస్తున్నాయి. మరి ఆ ఎపిసోడ్ ఎలా ఉంటుందో? దేని గురించో తెలియాలాంటే కొన్ని రోజులు ఆగాలి.
