నిఖిల్ సుధీర్ వర్మ కలయికలో తెరకెక్కిన చిత్రం ‘అప్పుడో ఇప్పుడో ఎప్పుడో’. ‘స్వామిరారా’, ‘కేశవ’ల తర్వాత వీళ్లిద్దరి నుంచి వస్తున్న మూడో సినిమా ఇది. బీవీఎస్ఎన్ ప్రసాద్ నిర్మించారు. రుక్మిణీ వసంత్ కథానాయిక. దివ్యాంశ కౌశిక్ కీలక పాత్ర పోషించింది. ఈ సినిమా టీజర్ ని వదిలారు.
సత్య వాయిస్ ఓవర్ టీజర్ ఓపెన్ అయ్యింది. రుషి(నిఖిల్) లోకల్ రేసర్. ఇంగ్లాండ్ వెళ్లి ఓ అమ్మాయిని పెళ్లి చేసుకొని సెటిల్ అవ్వాలనేది అతడి ప్లాన్. అక్కడి వెళ్ళిన తర్వాత తన జీవితం ఊహించిన మలుపులు తిరుగుతుంది. టీజర్ ఆసక్తికరంగానే వుంది. కథని రివిల్ చేయలేదు కానీ ఇది లవ్ స్టొరీకి యాక్షన్ మిక్స్ చేసిన సినిమా అనిపిస్తోంది.
సుధీర్ వర్మ టేకింగ్ స్పెషలిస్ట్. ఇందులో కూడా ఆయన స్టయిల్ లావిష్ ఫ్రేములు కనిపించాయి. నిఖిల్ పాత్ర చుట్టూ క్యురియాసిటీ క్రియేట్ అయ్యింది. సన్నీ ఎంఆర్ క్యాచి స్కోర్ చేశాడు. విజువల్స్ రిచ్ గా వున్నాయి. చివర్లో ‘90% అబ్బాయిలు తాగడానికి కారణం అమ్మాయిలే ‘ అని నిఖిల్ చెప్పిన డైలాగ్ పేలింది. నవంబర్ 8న ఈ సినిమా ప్రేక్షకులు ముందుకు రానుంది.
