సుకుమార్ రైటింగ్స్ నుంచి మరో సినిమా వస్తోంది. పల్నాటి సూర్య ప్రతాప్ దర్శకత్వం వహిస్తున్న ఈ చిత్రంలో నిఖిల్ హీరో. ఈ చిత్రానికి ’18పేజీస్’ అనే పేరు ఖరారు చేశారు. టైటిల్ లోగో, డిజైనింగ్ ఇవన్నీ సుకుమార్ స్టైల్లోనే కనిపిస్తున్నాయి. ఈ చిత్రానికి కథ, కథనం కూడా సుకుమార్ అందించడం విశేషం.
సుకుమార్ ఓ లెక్కల మాస్టారు. ఆయన సినిమాల్లో థీరీలూ, లాజిక్కులు కావల్సినన్ని కనిపిస్తాయి. ఈ సినిమా కూడా అదే స్థాయిలో నడుస్తుందని తెలుస్తోంది. ఓ కుర్రాడు రాసుకున్న 18 పేజీల డైరీలో ఉన్న విషయాల సమాహారం ఈ సినిమా అని తెలుస్తోంది. అంటే 18వ పేజీ ముగిసేలోగా సినిమా అయిపోతుందన్నమాట. పోస్టర్లో సెల్ఫోన్, మొక్కలు, గడియారం, పెన్నూ.. ఇలా కొన్ని వస్తువులు కనిపిస్తున్నాయి. వాటికీ ఈ కథకూ సంబంధం ఉంది. ఈ కథని నడిపించడంలో అవి టూల్స్గా ఉపయోగించుకోబోతున్నాడు దర్శకుడు. సుకుమార్ ప్రేమకథలన్నీ వినూత్నంగా ఉంటాయి. ఆర్య సినిమా చూస్తే ఆయన స్టైల్ అర్థమవుతుంది. ఈసారీ ఓ షాకింగ్ ప్రేమకథ చెప్పబోతున్నాడు. మరి ఆ షాకులు ఎంత స్వీట్గా ఉంటాయో తెలియాలంటే ఇంకొన్నాళ్లు ఆగాలి.
