ఓ స్టార్ ఫ్యామిలీ నుంచి హీరోయిన్రావడం అరుదైన సంగతి. హీరోయిన్ అనే సరికి స్కిన్ షో.. అనుకొంటారు. తాము ఎంతగానో అభిమానించే ఓ నట కుటుంబం నుంచి ఓ కథానాయిక వస్తోందంటే ఫ్యాన్స్ కూడా జీర్ణించుకోలేరు. కానీ. ఇప్పుడు మెగా ఫ్యామిలీ నుంచి నిహారిక వచ్చింది. ఒక మనసు సినిమాతో హీరోయిన్ అయ్యింది. మరి నిహారికకు ఎవరూ అడ్డు చెప్పలేదా? ‘నో’ అనలేదా? ఎందుకు అనలేదు. `నేను హీరోయిన్ అవుతా` అని నిహారిక అడగ్గానే నాగబాబు అందరు తండ్రుల్లానే ‘నో’ అన్నాడు. కానీ నిహారిక డాడీనే దిమ్మదిరిగే ప్రశ్న ఒకటి అడిగింది. ”మన ఇంటి నుంచి హీరోలొస్తున్నప్పుడు యంకరేజ్ చేశారు? నన్ను చేయరా, తప్పేంటి” అని నిలదీసింది. ఆ ప్రశ్నకు నాగబాబు దగ్గర కూడా సమాధానం లేకుండా పోయింది.
ఈ విషయాన్ని ఒక మనసు ఆడియో ఫంక్షన్లో నాగబాబు స్వయంగా అభిమానులతో పంచుకొన్నారు. తల్లిదండ్రుల ఆలోచనా ధోరణి మారాలని, అమ్మాయిల మనసుల్లో ఏముందో తెలుసుకొని, వాళ్లని ప్రోత్సహించాలని, అమ్మాయిని అత్తావారింటికి పంపించడమే పెద్ద బాధ్యత అనుకోకండి అని.. నాగబాబు హితవు పలికాడు. మెగా కుటుంబంలోని హీరోల ఆలోచన ధోరణి చాలా కూల్గా ఉంటుందని, అందుకే తమ ఇంట్లోంచి ఓ అమ్మాయి కథానాయిక అవుతుంటే పెద్ద మనసుతో ఆలోచించారని, వాళ్ల విశాల హృదయానికి అదే నిదర్శనమని నాగబాబు చెప్పుకొచ్చాడు.
