మెగా బ్రదర్ నాగబాబు తనయురాలు నిహారికా హీరోయిన్ గా ఎంట్రీ ఇస్తున్న సంగతి తెలిసిందే.. నాగశౌర్య హీరోగా టివి-9, మధురా శ్రీధర్ సంయుక్తంగా నిర్మిస్తున్న ‘ఒక మనసు’ సినిమాలో హీరోయిన్ గా ఎంపిక అయ్యింది నిహారిక. మొన్నటిదాకా బుల్లితెర మీద తన బుజ్జి బుజ్జి మాటలతో యాంకరింగ్ అదరగొట్టిన ఈ భామ ఇప్పుడు హీరోయిన్ గా అంటే అందరు షాక్ అయ్యారు. అయితే నిహారికా మంచి ప్లాన్ తోనే ఈ రంగంలోకి దిగింది.

ఇలా సినిమా హీరోయిన్ అయ్యిందో లేదో.. అప్పుడే చిన్నపాటి నిర్మాణ సంస్థను ఏర్పాటు చేస్తుందట.. ఏంటి.. నిహారిక అప్పుడే ప్రొడ్యూసర్ అవుతుందా అని అవాక్కవుతున్నారు కదా అది నిజమే.. అయితే అమ్మడు తన నిర్మాణ సంస్థ నుండి సినిమాలు కాదు తీసేది.. యూట్యూబ్ చానెల్లో సీరీస్ గా వస్తున్న ‘ముద్ధపప్పు ఆవకాయ’ ప్రోగ్రాంని నిర్మిస్తుందట ఈ బ్యూటీ..

కనీసం ఒక్క సినిమా అనుభవం కూడా లేని నిహారిక ఇలా ప్రొగ్రాం నిర్మించడం కూడా చాలా కష్టంతో కూడుకున్నదే కాని తనకు సినిమాల మీద వచ్చిన డబ్బుని దాని మీదే ఖర్చు పెట్టేందుకే నిహారికా ఇలాంటి ఐడియా ఆలోచించింది. ప్రస్తుతం ఈ సీరీస్ లను డైరెక్ట్ చేస్తున్న సతీష్ దర్శకత్వంలోనే నిహారికా కూడా ప్రోగ్రామ్స్ ప్లాన్ చేస్తుందట. మరి నిహారిక వేసిన ప్లాన్ ఏమేరకు వర్క్ అవుట్ అవుతుందో చూడాలి.