ఈరోజుల్లో డబ్బులొచ్చిన సినిమానే హిట్ కింద లెక్క. విడుదలకు ముందే లాభాలు తెచ్చుకొంటే అది సూపర్ హిట్టే. ఆ లెక్కన…. ఒక మనసు బంపర్ హిట్ అయిపోయిందనుకోవొచ్చు. నాగశౌర్య – నిహారిక జంటగా నటించిన సినిమా ఇది. రామరాజు దర్శకత్వం వహించారు. మెగా హీరోయిన్ నిహారిక తొలి సినిమా కాబట్టి.. ఒక మనసుపై దృష్టి పెట్టారంతా. సినిమా ఎలా ఉన్నా నిహారిక కోసమైనా చూస్తారులే… అన్న నమ్మకం కలిగింది. అందుకే.. ఈసినిమా మంచి రేటుకే అమ్ముడుపోయింది. మొత్తమ్మీద ఈ సినిమాకి దాదాపు మూడున్నర కోట్ల టేబుల్ ప్రాఫిట్ దక్కిందని తెలుస్తోంది. కోటిన్నరలో తీసిన ఈ సినిమా రూ.5 కోట్ల వరకూ బిజినెస్ జరుపుకొంది. నిజంగా ఇది మామూలు ప్రాఫిట్ కాదు. ఒకటికి మూడురెట్ల లాభమన్నమాట.
రామరాజు సినిమా… మల్లెల తీరంలో సిరిమల్లెపువ్వు సినిమా శాటిలైట్ ఇంకా జరగలేదు. ఒక మనసుతో ఆ పాత సినిమా శాటిలైట్ సేల్ చేసేశారని టాక్. ఒన్ ప్లన్ ఒన్ కాబట్టి.. శాటిలైట్ కి మంచి రేటు దక్కిందని తెలుస్తోంది. తొలి సినిమాకే నిర్మాతలకు లాభాలు మిగిల్చింది మెగా హీరోయిన్. ఈ సినిమా యావరేజ్గా నడిచినా.. నిహారిక చుట్టూ నిర్మాతలు మూగిపోవడం ఖాయం.
