టీమిండియా స్టార్ ఆల్ రౌండర్ హార్దిక్ పాండ్యా, నటాషా స్టాంకోవిక్ దంపతులు విడిపోతున్నారని కొద్ది రోజులుగా ప్రచారం జరుగుతోన్న సంగతి తెలిసిందే. నటాషా తన ఇన్స్టా అకౌంట్ నుంచి తమ వెడ్డింగ్ ఫోటోలను తొలగించడంతోపాటు, తన పేరు పక్కన పాండ్యా అనే సర్ నేమ్ ను తొలగించడం ఈ జంట విడిపోతుందనే పుకార్లకు బలం చేకూర్చేలా చేసింది.
ఈ వార్తలు హల్చల్ అవుతోన్న నేపథ్యంలోనే బాలీవుడ్ నటి దిశా పటానీ బాయ్ఫ్రెండ్ తో నటాషా కనిపించడంతో హార్దిక్ తో నటాశా డివోర్స్ తీసుకోనుందనే ప్రచారం మరింత విస్తృతమైంది. అదే సమయంలో పాండ్యా తన ఆస్తిలో 70శాతం వాటాను నటాషాకు బదిలీ చేయనున్నారని రూమర్ చక్కర్లు కొట్టింది.
పైగా, ఇటీవల టీ20 ప్రపంచ కప్ కోసం అమెరికా వెళ్ళిన టీమిండియా జట్టులో హార్దిక్ కనిపించకపోవడంతో… ఆయన తన భార్యతో విడాకులు ఇచ్చే పనిలో ఉన్నారని, దాంతో హార్దిక్ ఆలస్యంగా జట్టుతో చేరనున్నారని ప్రచారం జరిగింది. ఈ నేపథ్యంలో తాజాగా నటాషా ట్విస్ట్ ఇచ్చింది. తమ పెళ్లి ఫొటోలను తిరిగి ఇన్స్టాలో రీస్టోర్ చేసి విడాకుల రూమర్లకు తెరదించింది.
