హీరో నారా రోహిత్, హీరోయిన్ గా ప్రతినిధి 2 సినిమాలో నటించిన శిరీష లేళ్ల నిశ్చితార్థం హైదరాబాద్లోని నోవాటెల్ హోటల్లో ఆదివారం ఉదయం జరిగింది. చంద్రబాబు దంపతులు, లోకేష్ దంపతులు నిశ్చితార్థానికి హాజరయ్యారు. నందమూరి, నారా కుటుంబాలకు చెందిన వారంతా ఈ నిశ్చితార్థానికి హాజరయ్యారు.
చంద్రబాబు సోదరుడు రామ్మూర్తినాయుడు కుమారుడు అయిన నారా రోహిత్ పదిహేనేళ్ల కిందట బాణం సినిమా ద్వారా ఇండస్ట్రీకి పరిచయమయ్యారు. టాలెంటెడ్ నటుడిగా గుర్తింపు పొందారు. కుటుంబ కారణాల వల్ల ఆయన వివాహం ఆలస్యం అయింది. నారా భువనేశ్వరి చొరవ తీసుకుని ఇప్పుడు శీరిష లేళ్ల కుటుంబంతో మాట్లాడి పెళ్లిని ఫిక్స్ చేసినట్లుగా తెలుస్తోంది. నారా రోహిత్ ప్రస్తుతం సుందరకాండ అనే సినిమాలో నటిస్తున్నారు.
నారా రోహిత్ రాజకీయ అంశాల పట్ల కూడా ఆసక్తిగా ఉంటారు. టీడీపీ తరపున చురుకుగా ప్రచారం చేస్తూంటారు. టీడీపీ కార్యక్రమాల్లో పాల్గొంటారు. పూర్తిగా కుటుంబ కార్యక్రమంగానే నిశ్చితార్థాన్ని నిర్వహించారు.
