నందమూరి సపోర్ట్ తో నారా ఫ్యామిలీ నుండి వచ్చిన హీరో నారా రోహిత్. బాణం అంటూ వచ్చి సోలో హిట్ కొట్టిన ఈ యువ హీరో తనకంటూ ఓ ప్రత్యేకమైన ఇమేజ్ కోసం ప్రయత్నిస్తూ వెళ్తున్నాడు. టాలీవుడ్ లో ఏ హీరో చేయనన్ని సినిమాలు ఒకేసారి సెట్స్ మీద ఉంచి సంచలనం సృష్టిస్తున్నాడు నారా రోహిత్. ప్రస్తుతం తను చేస్తున్న తుంటరి మూవీ ఈరోజు ప్రపంచ వ్యాప్తంగా రిలీజ్ అవుతుంది.
అయితే తుంటరి ప్రమోషన్ లో భాగంగా తాను స్వతహాగా ఎదగదలచుకున్నానని.. రికమండేషన్ తో కెరియర్ ప్లాన్ చేసుకోలేనని అన్నాడు. అంతేకాదు ఒకవేళ అలా తను ఆలోచించి ఉంటే పెదనాన్న సి.ఎం కాబట్టి రాజమౌళితోనే సినిమా తీసే ప్లాన్ చేసేవాడినని అన్నాడు. అంటే సినిమా పరిశ్రమలో రాజకీయ శక్తులు కూడా పనిచేస్తాయన్న విషయాన్ని చెప్పకనే చెప్పినట్టు అనిపిస్తుంది నారా రోహిత్ మాటలు చూస్తుంటే.
అలా అయితే టాలెంట్ ఎవరి దగ్గర ఉంటే అవకాశాలు వారి దగ్గరకు వస్తాయ్ అని డప్పుకొట్టుకు చెప్పే నీతు సూక్తులన్ని వట్టి మాటలే అవుతాయన్న మాట. రోహిత్ అలాంటివి పరిశ్రమలో జరుగాయని అన్నాడా లేక కాజువల్ గా అన్నాడో తెలియదు కాదు మొత్తానికి తాను మాత్రం అలాంటివాటి జోలికి పోను అంటూ చెప్పుకొచ్చాడు. ప్రస్తుతం తుంటరి రిలీజ్ హడావిడిలో ఉన్న రోహిత్ ఇదే నెల 25న సావిత్రిగా వస్తున్నాడు.
