నారా రోహిత్ – పూరి జగన్నాథ్ల కాంబినేషన్లో సినిమా వస్తోందంటే ఎవ్వరూ ఆశ్చర్యపోలేదు. ఎందుకంటే పూరి జగన్నాథ్ పరిస్థితి అలా ఉందిప్పుడు. స్టార్ హీరోలెవరు పూరితో సినిమా చేయడానికి సిద్ధంగా లేరు… వాళ్లకు ఖాళీ అంతకంటే లేదు. అందుకే నారా రోహిత్తో సినిమా వర్కవుట్ చేసుకొన్నాడేమో అనుకొన్నారంతా. అయితే నారా రోహిత్ – పూరిల సినిమా అసలు లేనేలేదట. ఇదంతా ఎవరో కావాలని పుట్టించిన పుకారు అంటున్నాడు నారా రోహిత్.
”మా ఇద్దరి కాంబినేషన్లో ఓ సినిమా వస్తోందంటూ వార్తలొచ్చాయి. అవి నేనూ విన్నా. కాకపోతే.. అలాంటి ప్రపోజల్ ఏదీ నా దగ్గరకు రాలేదు. వస్తే పూరితో తప్పకుండా చేస్తా” అంటున్నాడు. అంటే అదంతా గాలివార్తే అన్నమాట. నారా రోహిత్ కథానాయకుడిగా నటించిన రాజా చేయివేస్తే ఈ శుక్రవారం ప్రేక్షకుల ముందుకు వస్తోంది. ఈ సినిమాలో దర్శకుడు కావాలని కలలుకనే ఓ కుర్రాడి పాత్రలో కనిపిస్తాడట రోహిత్. ఈ సినిమాపై రోహిత్ చాలా హోప్స్ పెట్టుకొన్నాడు. మరి ఎలాంటి రిజల్ట్ వస్తుందో చూడాలి.
