కృష్ణగాడి వీర ప్రేమ గాథ అంటూ వచ్చే నెల మొదటి వారంలోనే రాబోతున్నాడు నాచురల్ స్టార్ నాని. నిన్న ఆడియో జరుపుకున్న ఈ సినిమా ఆడియోకి కూడా మంచి స్పందన వస్తుంది. అసలే సూపర్ స్టార్ వచ్చి మరి నానికి, 14 రీల్స్ కి విశెష్ చెప్పి వెళ్లాడు. లాస్ట్ ఇయర్ భలే భలే మగాడివోయ్ సినిమాతో సూపర్ హిట్ కొట్టిన నాని మరోసారి అలాంటి హిట్ కోసమే చూస్తున్నాడు. అయితే తన సినిమాలో నటించిన ఇంతకుముందు హీరోయిన్స్ తో కూడా క్లోజ్ గా ఉండే నాని భలే మగాడు హీరోయిన్ నందన అదేనండి లావణ్యతో మంచి స్నేహంగా ఉంటున్నాడు.
నిన్న ఆడియో వేడుక సందర్భంగా నాని గురించి అమ్మడు పొగడ్తల వర్షం కురిపించింది. నాని కృష్ణగాడి వీర ప్రేమగాథ ట్రైలర్ బాగుంది.. సినిమా భలే భలే మగాడివోయ్ లానే మరో బ్లాక్ బస్టర్ సినిమా అవుతుంది అని ట్వీట్ చేసింది లావణ్య. అయితే నాని కూడా అదే రేంజ్ సమాధానం ఇచ్చాడు. లావణ్య.. నువ్వో హిట్ మిషన్ వి.. నా సినిమాలో కూడా ఓ గెస్ట్ రోల్ చేయొచ్చుగా అన్నాడు. లాస్ట్ ఇయర్ భలే భలే మగాడివోయ్ హిట్ మేనియాను కంటిన్యూ చేస్తూ ఈ సంవత్సరం సోగ్గాడితో హిట్ కొట్టింది అందాల రాక్షసి. అందుకే లావణ్యను హిట్ మిషన్ అంటూ సంభోదించాడు నాని.. హిట్ సినిమా పెయిర్ గా ఈ ఇద్దరు మాట్లాడుకున్న ట్విట్టర్ సంభాషణలు చూస్తే వీరిద్దరు మళ్లీ కలిసి చేసినా చేసేస్తారు అనిపిస్తుంది.
