మణిరత్నం వీరాభిమానుల్లో నాని ఒకడు. మణిరత్నం సినిమాల గురించి, అందులోని సంగీతం గురించి, సన్నివేశాల గురించీ గంటల తరబడి మాట్లాడమన్నా ఓకే అనేస్తాడు నాని. ఓకే బంగారం సినిమాలో సల్మాన్ దుల్కర్ పాత్రని నాని గాత్రదానం చేసి, ఏకంగా మణితో సినిమా చేసినంత సంబరపడ్డాడు. నాని స్పీడు, తాను కురిపించిన అభిమానం చూసి మణిరత్నం కూడా ముగ్థుడైపోయాడు. ఒకే బంగారం టైమ్లోనే మణిరత్నం నానితో ఓ సినిమా ప్లాన్ చేశారు. తెలుగు, తమిళ భాషల్లో ఈ సినిమాని తీద్దామనుకొన్నారు. అప్పుడేతే నాని ఏకంగా ఆకాశంలో తేలిపోయాడు. అయితే ఎందుకనో.. ఆ సినిమా పట్టాలెక్కలేదు. నాని డ్రీమ్.. అక్కడితో ఆగిపోయింది. అయితే… నాని ఇప్పుడో ట్విస్ట్ ఇచ్చాడు. మణిరత్నం సినిమా ఆగిపోలేదని, త్వరలో పట్టాలెక్కబోతోందని తెలిపాడు.
”మణి సార్తో కలసి పనిచేయాలన్నది నా కల. ఒకే బంగారం టైమ్లో ఆ అవకశం కూడా వచ్చింది. కానీ కొన్ని కారణాల వల్ల ఆ ప్రాజెక్టు సెట్ అవ్వలేదు. కానీ ఆగిపోయినట్టు కాదు. జస్ట్ ఆలస్యం అవుతోందంతే. మణిసార్తో తప్పకుండా సినిమా చేస్తా. అతి త్వరలో ఆ సినిమా ఉండొచ్చు” అంటున్నాడు నాని. మణిరత్నం ప్రస్తుతం కార్తితో ఓ సినిమా చేస్తున్నారు. అదయ్యాకే… నాని సినిమా ఉండొచ్చేమో?
