నాని – ఇంద్ర‌గంటి మోహ‌న‌కృష్ణ కాంబినేష‌న్‌లో వ‌చ్చిన చిత్రం జెంటిల్‌మెన్‌. థ్రిల్ల‌ర్ నేప‌థ్యంలో సాగిన ఈ సినిమాకి బాక్సాఫీసు ద‌గ్గ‌ర మంచి ఫ‌లిత‌మే వ‌చ్చింది. నానికున్న ఇమేజ్‌, జెంటిల్‌మెన్ టైటిల్‌, ఇంద్ర‌గంటి స్టైల్ ఆఫ్ మేకింగ్‌.. ఇవ‌న్నీ ఈ సినిమాకి హెల్ప్ అయ్యాయి. తొలి రోజు నుంచే హౌస్‌ఫుల్స్ బోర్డులు క‌నిపించాయి. మిగిలిన సినిమాల నుంచి గ‌ట్టి పోటీ లేకపోవ‌డంతో ఈ వీక్ ఎండ్‌ని బాగా క్యాష్ చేసుకొందీ సినిమా. మూడు రోజుల‌కు క‌లిపి ప్ర‌పంచ‌వ్యాప్తంగా రూ.8.9 కోట్లు సాధించింది. నైజాంల‌తో రూ.2.5 కోట్లు ద‌క్కాయి. ఓవ‌ర్సీస్‌లోనూ రూ.2 కోట్లు యాడ్ అయ్యాయి. ఏ సెంట‌ర్ల‌లో సోమ‌వారం కూడా వ‌సూళ్లు స్ట‌డీగా ఉన్న‌ట్టు రిపోర్ట్ వ‌స్తోంది. ఈవారం కూడా జెంటిల్‌మెన్ వ‌సూళ్ల‌కు ఢోకా లేక‌పోవొచ్చు. త‌క్కువ బ‌డ్జెట్‌లో ఈ సినిమాని తీయ‌డం.. మంచి రేట్ల‌కు అమ్ముకోవ‌డంతో నిర్మాత ముందే లాభాల బాట ప‌ట్టాడు. ఇక నుంచి వ‌చ్చిందంతా బోన‌సే.