కథానాయకుడు నాని మెల్లమెల్లగా జోరు పెంచుతున్నాడు. ఇది వరకు ఓ సినిమా పూర్తయితే తప్ప మరో సినిమా టేకప్ చేయని నాని… ఇప్పుడు రూటు మార్చాడు. చేతిలో ఓ సినిమా ఉండగానే మరో సినిమా కూడా ఓకే చేసి.. పట్టాలెక్కించేస్తున్నాడు. నాని ఇప్పుడు ఇంద్రగంటి మోహనకృష్ణ దర్శకత్వంలో రూపొందుతున్న జెంటిల్మేన్లో నటిస్తున్నాడు. చిత్రీకరణ పూర్తికావొచ్చింది. ఈలోగా మరో సినిమాకి సెట్స్పైకి తీసుకెళ్లే ప్రయత్నంలో ఉన్నాడు. నాని కథానాయకుడిగా దిల్రాజు ఓ సినిమాని రూపొందించనున్నారు. ఈ చిత్రానికి నక్కిన త్రినాథరావు దర్శకత్వం వహిస్తారు.
రాజ్తరుణ్తో సినిమా చూపిస్త మావ.. అంటూ వినోదాలు పంచిన దర్శకుడు నక్కిన త్రినాథరావు. ఇప్పుడు నాని కోసం ఓ కథ రెడీ చేశారు. ఇదికూడా రొమాంటిక్, కామెడీ లవ్స్టోరీనేనట. వైవిధ్యభరితమైన కథల్ని ఎంచుకొంటున్న నాని.. ఈసారి త్రినాథరావు చెప్పిన కథకు బౌల్డ్ అయ్యాడట. త్వరలోనే ఈ సినిమా సెట్స్పైకి వెళ్లబోతోంది.
