నాని హీరోగా తెరకెక్కుతున్న సినిమా జై బాలయ్య.. అందాల రాక్షసి దర్శకుడు హను రాఘవపూడి దర్శకత్వం వహిస్తున్న ఈ సినిమాలో నాని బాలయ్య అభిమానిగా కనిపించనున్నాడు. ఈ సంవత్సరం నాని కెరియర్లో బిగ్గెస్ట్ హిట్ గా భలే భలే మగాడివోయ్ సినిమా నిలిచింది. కొద్దికాలంగా సరైన హిట్ కోసం ఎదురుచూస్తున్న నానికి భలే మగాడు సూపర్ డూపర్ హిట్ అందించింది. ఇక అదే జోష్ తో ఈ సంవత్సరానికి గుడ్ బై చెబుతూ కొత్త సంవత్సరం రోజున తన సినిమా ఫస్ట్ లుక్ పోస్టర్ ని విడుదల చేస్తున్నాడు నాని.

14 రీల్స్ బ్యానర్లో రామ్ ఆచంట, గోపీ ఆచంట, అనీల్ సుంకర నిర్మిస్తున్న ఈ సినిమా జనవరి 10న ఆడియో వేడుక జరుపేందుకు నిశ్చయించారు. చిత్రీకరణ కూడా దాదాపు పూర్తి కావొచ్చిన ఈ సినిమాలో నందమూరి నట సింహం బాలకృష్ణ అభిమానిగా నాని అద్భుతంగా చేశాడట.

మంచి ప్రేమ కథలా వస్తున్న ఈ సినిమాతో నాని మరోసారి బ్లాక్ బస్టర్ హిట్ కొట్టడం ఖాయం అంటున్నారు చిత్ర యూనిట్. అన్ని కార్యక్రమాలను ముగించుకుని సినిమాను ఫిబ్రవరి 5న విడుదల చేసే ఆలోచనలో ఉన్నారు దర్శక నిర్మాతలు. మరి 2015 లానే నానికి 2016 కూడా సూపర్ హిట్స్ రావాలని కోరుకుందాం.