ఉప్పెనతో వైష్ణవ్ తేజ్ సత్తా తెలిసొచ్చింది. కొత్త దర్శకులు ఇప్పుడు వైష్ణవ్ తేజ్ కోసం కథలు సిద్ధం చేసుకునే పనిలో బిజీగా ఉన్నారు. తాజాగా ఓ కొత్త దర్శకుడి కథని వైష్ణవ్ ఓకే చేశాడు. బివిఎస్ఎన్ ప్రసాద్ నిర్మాత. ఎట్రిమెంట్లు కూడా అయిపోయాయి. క్రిష్ సినిమా తరవాత వైష్ణవ్ చేయబోయే సినిమా ఇదే.
అయితే… ఈ కథ ముందు నాని దగ్గరకు వెళ్లిందని, తను నో చెప్పడంతో వైష్ణవ్ తో చేసేస్తున్నారని ఓ గ్రేట్ `గాచిప్` వెబ్ సైట్ కథలు అల్లేసింది. ఓ హీరో కాదంటే, మరో హీరో దగ్గరకు కథలు వెళ్లిపోవడం సహజమే. కాబట్టి ఇదీ ఆ బాపతే అనుకుని తన సహజమైన ధోరణిలోనే గాసిప్పు రెడీ చేసేసింది. అయితే.. నాని, వైష్ణవ్ లకు కథలు చెప్పిన దర్శకుడు ఒక్కడేకావొచ్చు. కానీ కథలే వేరు. నానికి ముందు చెప్పిన కథ.. ఓ పోలీస్ డ్రామా. అది నానికి ఎక్కలేదు.తనకు అలాంటి కథలు సూట్ కావని భావించిన నాని ఆ కథని రిజెక్ట్ చేశాడు. ఇప్పుడు వైష్ణవ్కి ఓ పూర్తి స్థాయి ఫ్యామిలీ కథ చెప్పాడు. దాన్ని.. వైష్ణవ్ ఓకే చేశాడు. ఓ దర్శకుడు కథలు పట్టుకుని హీరోల చుట్టూ తిరుగుతుంటే, అది ఒకే కథ అవ్వాలన్న రూలేం లేదు కదా?
