ఏ బ్యాక్ గ్రౌండూ లేకుండా ఇన్ని విజ‌యాలు సాధించాడు నాని! ఆ విష‌యంలో నాని ప్ర‌తిభ‌ను మెచ్చుకొని తీరాల్సిందే. గాడ్ ఫాద‌ర్ అండ లేకుండా హిట్లు మీద హిట్లు కొట్టి ఈరోజున టాప్ పొజీష‌న్ చేరుకొన్నాడు. అయితే నాని మాత్రం.. ”నాకు బ్యాక్ గ్రౌండ్ ఎందుకు లేదు.. అంద‌రి కంటే పెద్ద బ్యాక్ గ్రౌండ్ ఉంది.. అది తెలుగు ప్రేక్ష‌కులే” అంటున్నాడు. నాని వ‌రుస విజ‌యాల‌కు వాళ్లే కార‌ణ‌మ‌ట‌. నాని నుంచొచ్చిన లేటెస్ట్ హిట్‌.. జెంటిల్‌మెన్‌. ఈ సినిమాతో త‌న‌కు గౌర‌వం పెరిగింంటున్నాడు ఈ కుర్ర హీరో.

జ‌యాప‌జ‌యాలు అంద‌రికీ వ‌స్తాయి. అయితే.. గౌర‌వం మాత్రం అరుదుగా అభిస్తుంది. ఈ సినిమాతో నాకు గౌర‌వం పెరిగింది.. అంటున్నాడు నాని. డ్యూయెల్ రోల్ ఇచ్చి… త‌న స‌క్సెస్‌ని రెట్టింపు చేసిన ఘ‌న‌త ఇంద్ర‌గంటి మోహ‌న కృష్ణ‌కే క‌ట్ట‌బెట్టాడు నాని. జెండాపైక‌పి రాజు సినిమాలోనూ నాని రెండు పాత్ర‌ల్లో క‌నిపించాడు. కానీ ఆ సినిమా ఫ్లాప్ అయ్యింది. ఇప్పుడు జెంటిల్ మెన్ తో లెక్క‌స‌రిచేశాడు నాని. ఇదంతా త‌నొక్క‌టి ఘ‌నత కాద‌ని.. టీమ్ ఎఫెక్ట‌ని చెప్పుకొచ్చాడు. ఈ శుక్ర‌వారం విడుద‌లైన జెంటిల్‌మెన్ ఇప్ప‌టికీ మంచి వ‌సూళ్ల‌తో ముందుకెళ్తోంది.