అలా మొదలైంది తో ఓ సూపర్ హిట్టు కొట్టింది నందినిరెడ్డి. రెండో సినిమాకే ఆ వేడి చప్పున చల్లారిపోయింది.. `జబర్దస్త్` అనే సినిమాతో. ఆ సినిమా కూడా హిట్టయితే ఇప్పుడు ఎంచక్కా స్టార్లతో సినిమాలు చేసేదేమో. అయినా ఫర్వాలేదు. ఓ స్టార్ నందిని రెడ్డి కోసం ఎదురుచూస్తున్నాడు. తనే.. విజయ్ దేవరకొండ.
`ఓ బేబీ` తరవాత స్వప్న సినిమా సంస్థలో నందినిరెడ్డి ఓ సినిమా చేయాలి. ఇప్పటికే రెండు కథలు వినిపించి – ఓకే చేయించుకుంది. అందులో ఓ కథ మల్టీస్టారర్. ఈ రెండింటిలో ఏదో ఒకటి ఫైనల్ అవుతుంది. సోలో హీరో కథలో… విజయ్ దేవరకొండ అయితే బాగుంటుందని నందిని రెడ్డి ఆలోచన. కానీ.. విజయ్ ఇప్పుడు చాలా బిజీగా ఉన్నాడు. ఎంత బిజీ అయినా సరే విజయ్కోసం ఎదురుచూస్తానంటోంది నందినిరెడ్డి. అయితే విజయ్ నుంచి ఆఫర్ రావాలంటే మాత్రం `ఓ బేబీ` హిట్టు కావాల్సిందే. ఓ బేబీ హిట్టయితే. విజయ్ దేవరకొండకీ పెద్దగా అభ్యంతరం ఉండకపోవొచ్చు. నందినికి `ఓ బేబీ` హిట్టుకావడం అత్యంత అవసరం. ఎందుకంటే అది తన కెరీర్కి ఉపయోగపడుతుంది. తనకు కావల్సిన హీరోని తెచ్చిపెడుతుంది. నందినితో పాటు టీమ్ అంతా ఈ సినిమాపై చాలా నమ్మకంగా ఉంది. మరి ఈ బేబీ.. ఏం చేస్తుందో చూడాలి.
